നവാഗതരെ അണിനിരത്തി ഹാജ മൊയ്‌നു സംവിധാനം ചെയ്ത ചിത്രമാണ് സ്കൂൾ ഡയറീ. റിലീസിന് എത്തുകയാണ് ചിത്രത്തിന്റെ തീയേറ്റർ ലിസ്റ്റ് പുറത്ത് വന്നു. ഒരു സ്‌കൂളും അവിടുത്തെ വിദ്യാർഥികളുടെയും അദ്ധ്യാപകരുടെയും കഥപറയുന്ന ചിത്രത്തിൽ യുവതലമുറ നേരിടുന്ന പലവിധ പ്രശ്നങ്ങളും ചിത്രത്തിലൂടെ ചർച്ചയാക്കുന്നു. ചിത്രത്തിൽ ഒരു വിദ്യാർത്ഥിനിയുടെ തിരോധാനവും അതിനെത്തുടർന്ന് നടത്തുന്ന അന്വേഷണങ്ങളും മറ്റുമാണ് പറയുന്നത്. ചിത്രത്തിലേതായി പുറത്തിറങ്ങിയ ഗാനങ്ങളും ട്രൈലറുകളും എല്ലാം ഇതിനോടകം തന്നെ ശ്രദ്ധിക്കപ്പെട്ടു. ചിത്രത്തിന്റേതായി പുറത്ത് വന്ന ഗാനങ്ങൾ എല്ലാം തന്നെ തീർത്തും വ്യത്യസ്തത പുലർത്തുന്നതും ഓർമ്മകൾ ഉണർത്തുന്നതുമായിരുന്നു. ചിത്രത്തിലെ അല്ലല്ലം ചൊല്ലി എന്നു തുടങ്ങുന്ന ഗാനം 10 ലക്ഷത്തോളം കാഴ്ചക്കാരെയും സ്വന്തമാക്കി.
മലയാളികളുടെ പ്രിയങ്കരനായ ഗായകൻ എം. ജി. ശ്രീകുമാറാണ് ചിത്രത്തിന് സംഗീത സംവിധാനം നിർവ്വഹിച്ചിരിക്കുന്നത്. ഹാജമൊയ്നുവും ബദ്രിയയുമാണ് ഗാനങ്ങൾക്ക് വരികൾ ഒരുക്കിയിരിക്കുന്നത്. ചിത്രത്തിൽ പുതുമുഖ താരങ്ങളായ ആന്റണി, ബിസ്മിൻ ഷാ, സിദ്ധാർത്ഥ്, ഗോകുൽ തുടങ്ങിയവരാണ് ചിത്രത്തിലെ നായകന്മാരായി എത്തുന്നത്. അർച്ചന, യമുന, റിമ, ഇന്ദു തുടങ്ങിയവരാണ് ചിത്രത്തിലെ നായികമാർ. ജി. കെ നന്ദകുമാർ ആണ് ചിത്രത്തിന്റെ ഛായാഗ്രഹണം ഒരുക്കിയിരിക്കുന്നത്. മസ്കറ്റ് മൂവി മേക്കേഴ്സിന്റെ ബാനറിൽ അൻവർ സാദത്ത് ചിത്രം നിർമ്മിച്ചരിക്കുന്നു.
