സൗത്ത് ഇന്ത്യൻ സിനിമയിലെ ഏറ്റവും മികച്ച നടിമാരിൽ ഒരാളാണ് ശരണ്യ പൊൻവണ്ണൻ. ദേശീയ അവാർഡ് ജേതാവ് കൂടിയായ ഈ നടി പണ്ട് മലയാള സിനിമയിലും ഒരുപാട് മികച്ച ചിത്രങ്ങളിൽ അഭിനയിച്ചിട്ടുണ്ട്. ഇപ്പോൾ ഒരു വലിയ ഇടവേളയ്ക്കു ശേഷം മധുപാൽ – ടോവിനോ തോമസ് ചിത്രമായ ഒരു കുപ്രസിദ്ധ പയ്യനിലൂടെ മലയാളത്തിലേക്ക് തിരിച്ചെത്തി കഴിഞ്ഞു ഈ നടി. മലയാള സിനിമയെ വളരെയേറെ സ്നേഹിക്കുന്ന ഈ നടി പറയുന്നത് മലയാളത്തിലെ ഒരുപാട് നടീനടന്മാരെ തനിക്കു ഇഷ്ടം ആണെങ്കിലും തന്റെ ഫേവറിറ് ആക്ടർസ് തിലകനും മോഹൻലാലും ആണെന്നാണ്. ഒരു മോഹൻലാൽ ആരാധിക ആയതു കൊണ്ട് തന്നെ ഈ അടുത്ത് കായംകുളം കൊച്ചുണ്ണി എന്ന ചിത്രം കണ്ടപ്പോൾ അതിൽ കുറച്ചു സമയം കൂടി മോഹൻലാൽ ഇത്തിക്കര പക്കി ആയി ഉണ്ടായിരുന്നെങ്കിൽ എന്ന് ആഗ്രഹിച്ചു പോയി എന്ന് ശരണ്യ പറയുന്നു.
റോഷൻ ആൻഡ്രൂസ് നിവിൻ പോളിയെ നായകനാക്കി ഒരുക്കിയ ഈ ചിത്രത്തിൽ ഇത്തിക്കര പക്കി ആയി ഇരുപതു മിനിറ്റോളം ആണ് മോഹൻലാൽ അഭിനയിച്ചത്. ഈ ചിത്രത്തിൽ ഏറ്റവും കൂടുതൽ കയ്യടി നേടിയതും കിടിലൻ പ്രകടനം കാഴ്ച വെച്ച മോഹൻലാൽ ആയിരുന്നു. ശരണ്യ പൊൻവണ്ണനും അത് തന്നെയാണ് ആവർത്തിക്കുന്നത്. മോഹൻലാലിന്റെ ആ കഥാപാത്രത്തെ അണിയറ പ്രവർത്തകർക്ക് കുറച്ചു കൂടി ഡെവലപ്പ് ചെയ്യാമായിരുന്നു എന്നും കുറച്ചു കൂടി ഫാന്റസിയും മാസ്സും ചേർത്ത് ആ കഥാപാത്രത്തെ കൂടുതൽ ശ്കതമാക്കായിരുന്നു എന്നും ശരണ്യ പറയുന്നു. മോഹൻലാലിൻറെ സാന്നിധ്യമാണ് കായംകുളം കൊച്ചുണ്ണി നേടിയ വമ്പൻ വിജയത്തിന്റെ കാരണമെന്നാണ് സോഷ്യൽ മീഡിയയും പറയുന്നത്. ഗോകുലം ഗോപാലൻ നിർമ്മിച്ച ഈ ചിത്രം ലോകമെമ്പാടു നിന്നും എഴുപതു കോടി രൂപയുടെ ഗ്രോസ് കളക്ഷൻ ആണ് നേടിയത്.
