‘ മിഖായേൽ ‘എന്ന ചിത്രത്തിലെ ശേഷം നിവിൻപോളിയും ഹനീഫ് അദേനിയും ഒരുമിക്കുന്ന ഏറ്റവും പുതിയ ചിത്രത്തിന്റെ ആദ്യ ഷെഡ്യൂൾ ദുബായിൽ പൂർത്തിയായി. ജനുവരി ഇരുപതാം തീയതിയാണ് ചിത്രത്തിൻറെ ചിത്രീകരണം ദുബായിൽ വച്ച് ആരംഭിച്ചത്. 55 ദിവസങ്ങൾ നീണ്ട ചിത്രീകരണമാണ് ദുബായിൽ വെച്ച് പൂർത്തിയായത്. ചിത്രത്തിൻറെ ബാക്കി ഭാഗങ്ങൾ കേരളത്തിൽ വച്ച് ചിത്രീകരിക്കാനാണ് തീരുമാനം. നിവിൻ പോളിയാണ് ട്വിറ്ററിൽ വച്ച് ചിത്രത്തിൻറെ ആദ്യ ഷെഡ്യൂൾ പൂർത്തിയായ വാർത്ത പുറത്തുവിട്ടത്. തന്നോടൊപ്പം ദുബായിൽ പ്രവർത്തിച്ചവരുടെ സ്നേഹത്തിനും സഹായത്തിനും നന്ദിയും താരം രേഖപ്പെടുത്തിയിട്ടുണ്ട്.
മാജിക്ക് ഫ്രെയിംസും പോളി ജൂനിയർ പിക്ചേഴ്സ് ചേർന്നാണ് ഈ ചിത്രം നിർമിക്കുന്നത്. ഇതുവരെയും പേര് നൽകിയിട്ടില്ലാത്ത ചിത്രത്തിൽ നിവിൻപോളിക്കൊപ്പം മറ്റു പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നത് ജാഫർ ഇടുക്കി,വിനയ് ഫോർട്ട്,വിജലേഷ്,ആർഷ ബൈജു, മമിത ബൈജു തുടങ്ങിയവരാണ്. കഴിഞ്ഞദിവസം ചിത്രത്തിലെ നിവിൻ പോളിയുടെ ലുക്കും സോഷ്യൽ മീഡിയയിൽ ശ്രദ്ധ നേടിയിരുന്നു.
വിഷ്ണു തണ്ടാശേരിയാണ് ചിത്രത്തിൻറെ ക്യാമറ കൈകാര്യം ചെയ്യുന്നത്. എഡിറ്റിംഗ് നിർവഹിക്കുന്നത് നിഷാദ് യൂസഫ് ആണ്.സംഗീതം നിർവഹിക്കുന്നത് മിഥുൻ മുകുന്ദനാണ്.സന്തോഷ് രാമനാണ് പ്രൊഡക്ഷന്‍ ഡിസൈനര്‍. മെല്‍വി ജെ ആണ് കോസ്റ്റിയൂം. ലൈന്‍ പ്രൊഡ്യൂസേഴ്സ് ഹാരിസ് ദേശം, റഹീം, പ്രൊഡക്ഷന്‍ കണ്‍ട്രോളര്‍ റിനി ദിവാകര്‍ എന്നിവരുമാണ് മറ്റു അണിയറ പ്രവർത്തകർ.
