മെഗാസ്റ്റാര്‍ ആരാധകര്‍ വമ്പന്‍ പ്രതീക്ഷകളോടെയാണ് മാസ്റ്റര്‍പീസ് എന്ന മമ്മൂട്ടി ചിത്രത്തിനെ കാത്തിരിക്കുന്നത്. പുലിമുരുകന്‍റെ ബ്രഹ്മാണ്ഡ വിജയത്തിന് ശേഷം ഉദയകൃഷ്ണ തിരക്കഥ ഒരുക്കുന്ന ചിത്രമായതിനാല്‍ പ്രേക്ഷകരുടെ പ്രതീക്ഷകള്‍ ഏറെയാണ്.
മമ്മൂട്ടിയെ നായകനാക്കി രാജാധിരാജ ഒരുക്കിയ അജയ് വാസുദേവന്‍ സംവിധാനം ചെയ്യുന്ന രണ്ടാമത്തെ ചിത്രമാണ് മാസ്റ്റര്‍പീസ്. ഒരു കോളേജ് അദ്ധ്യാപകന്‍റെ വേഷത്തിലാണ് മെഗാസ്റ്റാര്‍ ഈ ചിത്രത്തില്‍ എത്തുന്നത്.
ചിത്രത്തിന്‍റെ ഷൂട്ടിങ്ങ് പുരോഗമിക്കുമ്പോള്‍ മാസ്റ്റര്‍പീസിന്‍റെ സെറ്റില്‍ നിന്നും ഒരു കിടിലന്‍ സെല്‍ഫിയുമായി എത്തിയിരിക്കുകയാണ് മമ്മൂട്ടി. തന്‍റെ ഒഫീഷ്യല്‍ ഫേസ്ബുക്ക് പേജിലാണ് മമ്മൂട്ടി ആരാധകര്‍ക്ക് വേണ്ടി ഈ സെല്‍ഫി ഷെയര്‍ ചെയ്തത്. മാസ്റ്റര്‍പീസിലെ താരങ്ങളും ഏതാനും അണിയറ പ്രവര്‍ത്തകരും ഈ ചിത്രത്തില്‍ ഉണ്ട്.
പുലിമുരുകന്‍ പോലെ വലിയൊരു വിജയമായി മാസ്റ്റര്‍പീസ് മാറുമെന്നാണ് ആരാധകരുടെ പ്രതീക്ഷകള്‍.
