2017 ബിജു മേനോന് ഒരു ഭാഗ്യ വർഷം ആണ്. കാരണം ഇത് വരെ ഈ വർഷം ഇറങ്ങിയ മൂന്നു ചിത്രങ്ങളിൽ ഈ നടന് രണ്ടു ബോക്സ് ഓഫീസ് വിജയങ്ങൾ ആണ് സ്വന്തമായത്. അതിൽ രണ്ടും നായകനായി ആണ് അഭിനയിച്ചത് എന്നത് ആ വിജയത്തിന് മധുരം കൂട്ടുന്നു. ഇപ്പോൾ ഇതാ ഈ വർഷത്തെ തന്റെ മൂന്നാമത്തെ വിജയം തേടി ബിജു മേനോൻ ഇന്ന് എത്തുകയാണ്.
ഇന്ന് കേരളത്തിൽ വമ്പൻ റിലീസിന് ഒരുങ്ങുന്ന ലവ കുശ എന്ന ചിത്രത്തിൽ നീരജ് മാധവിനും അജു വർഗീസിനും ഒപ്പം ഒരു പ്രധാനപ്പെട്ട വേഷത്തിലാണ് ബിജു മേനോനും എത്തുന്നത്. ഗിരീഷ് മനോ സംവിധാനം ചെയ്ത ഈ ചിത്രം ഒരു കമ്പ്ലീറ്റ് കോമഡി ത്രില്ലർ അല്ലെങ്കിൽ കോമഡി സ്പൈ ത്രില്ലർ ആയാണ് ഒരുക്കിയിരിക്കുന്നത്.
നീരജ് മാധവ് ആദ്യമായി തിരക്കഥ രചിച്ചിരിക്കുന്നു ഈ ചിത്രം നിർമ്മിച്ചിരിക്കുന്നത് ആർ ജെ ക്രീയേഷന്സിന്റെ ബാനറിൽ ജെയ്സൺ ഇളംകുളം ആണ്.
ഈ വർഷം ഏപ്രിലിൽ റിലീസ് ചെയ്ത രഞ്ജൻ പ്രമോദ് ചിത്രം രക്ഷാധികാരി ബൈജു ഒപ്പ് ആയിരുന്നു ബിജു മേനോന്റെ ഈ വർഷത്തെ ആദ്യ വിജയം. അടുത്ത മാസം തന്നെ എത്തിയ അൻസാർ ഖാൻ- ജീത്തു ജോസഫ് ചിത്രം ലക്‌ഷ്യം പക്ഷെ ബോക്സ് ഓഫീസിൽ വലിയ ചലനങ്ങൾ ഉണ്ടാക്കാതെ കടന്നു പോയി.
ബിജു മേനോന് ഈ വർഷത്തെ രണ്ടാമത്തെ വിജയം സമ്മാനിച്ചത് ഷാഫി സംവിധാനം ചെയ്തു ഈ പൂജ സീസണിൽ റിലീസ് ചെയ്ത ഷെർലക് ടോംസ് എന്ന ചിത്രമാണ്. കുടുംബ പ്രേക്ഷകർ ഇരും കയ്യും നീട്ടി സ്വീകരിച്ച ഈ ചിത്രം ഇപ്പോഴും നിറഞ്ഞ സദസ്സിൽ പ്രദർശനം തുടരുമ്പോൾ ആണ് മറ്റൊരു ചിത്രവുമായി തുടർച്ചയായി രണ്ടാം വിജയം തേടി ബിജു മേനോൻ എത്തുന്നത്.
