യുവതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ മലയാള ചിത്രമാണ് കിംഗ് ഓഫ് കൊത്ത. മാസ്റ്റർ ഡയറക്ടർ ജോഷിയുടെ മകൻ അഭിലാഷ് ജോഷി ആദ്യമായി സംവിധാനം ചെയ്യുന്ന ഈ മാസ്സ് ആക്ഷൻ പീരീഡ് ചിത്രം ഓണം റിലീസായാണ് എത്തുന്നത്. ജോഷിയുടെ പൊറിഞ്ചു മറിയം ജോസ് രചിച്ചു ശ്രദ്ധ നേടിയ അഭിലാഷ് എൻ ചന്ദ്രൻ രചിച്ച ഈ ചിത്രം ദുൽഖർ സൽമാൻ തന്നെ തന്റെ സ്വന്തം ബാനറായ വേഫെറർ ഫിലിംസിന്റെ ബാനറിൽ നിർമ്മിക്കുന്ന ചിത്രം കൂടിയാണ്. സീ സ്റ്റുഡിയോസ് ആണ് ഇതിന്റെ സഹനിർമ്മാതാവ്. ഇപ്പോഴിതാ ഈ ചിത്രത്തിന്റെ ഷൂട്ടിംഗ് പൂർത്തിയായിരിക്കുകയാണ്. കാരൈക്കുടിയിലാണ് ഈ ചിത്രത്തിന്റെ ഷൂട്ടിംഗ് അവസാനിച്ചത്. അതിന്റെ ഭാഗമായി ഇതിന്റെ സെറ്റിൽ നിന്നുള്ള ഒരു മാസ്സ് പാക്കപ്പ് വീഡിയോയും കിംഗ് ഓഫ് കൊത്ത ടീം പുറത്തു വിട്ടിട്ടുണ്ട്. നേരത്തെ ഈ ചിത്രത്തിന്റെ രണ്ട് പോസ്റ്ററുകൾ പുറത്തു വരികയും ശ്രദ്ധ നേടുകയും ചെയ്തിരുന്നു.
DQ’s #KingOfKotha Shoot Completed.
— Christopher Kanagaraj (@Chrissuccess) February 22, 2023
Onam Release.
pic.twitter.com/JPePVlC4ig
ആഗസ്റ്റ് 24 ന് എത്തുന്ന ഈ ചിത്രം ദുൽഖർ സൽമാന്റെ കരിയറിലെ ഏറ്റവും വലിയ മലയാള ചിത്രമാണ്. ടോവിനോ തോമസ് അതിഥി വേഷം ചെയ്യുന്ന ഈ ചിത്രത്തിൽ പ്രസന്ന, ഐശ്വര്യ ലക്ഷ്മി, ഗോകുൽ സുരേഷ്, ശാന്തി കൃഷ്ണ, നൈല ഉഷ, ചെമ്പൻ വിനോദ്, സുധി കോപ്പ, റിതിക സിങ്, പ്രമോദ് വെളിയനാട്, കെ ജി എഫ് താരം ശരൺ എന്നിവരും വേഷമിടുന്നു. ജേക്സ് ബിജോയ്, ഷാൻ റഹ്മാൻ എന്നിവർ ചേർന്ന് സംഗീതമൊരുക്കുന്ന ഈ ചിത്രത്തിന് ക്യാമറ ചലിപ്പിക്കുന്നത് നിമിഷ് രവിയും, ഇത് എഡിറ്റ് ചെയ്യാൻ പോകുന്നത് ശ്യാം ശശിധരനുമാണ്. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലായാണ് കിംഗ് ഓഫ് കൊത്ത റിലീസ് ചെയ്യുക.
