Tuesday, October 4

ദളപതി വിജയ്‌യെ കുറിച്ച് ആമിർ ഖാന്റെ വാക്കുകൾ; ആഘോഷിച്ച് ആരാധകർ

Google+ Pinterest LinkedIn Tumblr +
Want create site? Find Free WordPress Themes and plugins.

ബോളിവുഡിലെ സൂപ്പർ താരമായ, മിസ്റ്റർ പെർഫെക്ഷനിസ്റ്റ് എന്നറിയപ്പെടുന്ന ആമിർ ഖാൻ നായകനായ ഏറ്റവും പുതിയ ചിത്രം നാളെ റിലീസ് ചെയ്യാൻ പോവുകയാണ്. 1994 ൽ പുറത്തു വന്ന, ടോം ഹാങ്ക്സിന്റെ ക്ലാസിക് ഹോളിവുഡ് ചിത്രം ഫോറസ്റ്റ് ഗംബിന്റെ ഹിന്ദി റീമേക്കാണ് ആമിർ ഖാൻ നായകനായി എത്തുന്ന ഏറ്റവും പുതിയ ചിത്രമായ ലാല്‍ സിങ് ചദ്ദ. ആമിർ ഖാന്റെ തന്നെ നിർമ്മാണ കമ്പനിയായ ആമിർഖാൻ പ്രൊഡക്ഷൻസ് നിർമ്മിച്ചിരിക്കുന്ന ഈ ചിത്രം സംവിധാനം ചെയ്തിരിക്കുന്നത് അദ്വൈദ് ചന്ദ്രനാണ്. കരീന കപൂർ ഖാൻ നായികാ വേഷം ചെയ്തിരിക്കുന്ന ഈ ചിത്രത്തിൽ തെലുങ്ക് യുവ താരം നാഗ ചൈതന്യയും ആമിർ ഖാന്റെ മകൻ ജുനൈദ് ഖാനും അഭിനയിക്കുണ്ട്. അതുപോലെ തന്നെ ബോളിവുഡിന്റെ കിംഗ് ഖാൻ ഷാരൂഖ് ഖാനും ഇതിൽ അതിഥി വേഷം ചെയ്തിട്ടുണ്ടെന്ന് ആമിർ ഖാൻ വെളിപ്പെടുത്തിയിരുന്നു. ഇപ്പോഴിതാ ഇതിന്റെ പ്രചാരണ പരിപാടിയിൽ വെച്ച് തമിഴ് സൂപ്പർ താരം ദളപതി വിജയ്‌യെ കുറിച്ച് ആമിർ ഖാൻ പറഞ്ഞ വാക്കുകൾ ഏറെ ശ്രദ്ധ നേടുകയാണ്.

വിജയ് ഒരു മികച്ച നടൻ ആണെന്നാണ് ആമിർ ഖാൻ പറയുന്നത്. അദ്ദേഹം തനിക്കു ഒരു സഹോദരനെ പോലെയാണെന്നും, വിജയ്‌യെ നേരിൽ കാണുമ്പോൾ ഒരു കുടുംബാഗത്തെ കാണുന്ന പോലത്തെ ഫീലാണ് ലഭിക്കാറുള്ളതെന്നും ആമിർ ഖാൻ പറയുന്നു. ഏതായാലും ആമിർ ഖാന്റെ ഈ പരാമർശം സോഷ്യൽ മീഡിയയിൽ വൈറലായിക്കഴിഞ്ഞു. വിജയ് ആരാധകർ ഈ വാക്കുകൾ ആഘോഷിക്കുകയുമാണ്. ആമിർ ഖാൻ നായകനായ സൂപ്പർ മെഗാഹിറ്റ് ഹിന്ദി ചിത്രമായ ത്രീ ഇഡിയറ്റ്സ് തമിഴിലേക്ക് റീമേക്ക് ചെയ്തപ്പോൾ അതിലെ നായകനായി അഭിനയിച്ചത് വിജയ് ആയിരുന്നു.

ഫോട്ടോ കടപ്പാട്: ട്വിറ്റർ

Did you find apk for android? You can find new Free Android Games and apps.
Share.

About Author