ജീവിതം പെർഫെക്റ്റ് അല്ല, പക്ഷെ ബിക്കിനി ആണ്; സംയുക്ത മേനോൻ പങ്കു വെച്ച പുതിയ പൂൾ ചിത്രം വൈറൽ..!

Advertisement

ടോവിനോ തോമസ് നായകനായ തീവണ്ടി എന്ന സൂപ്പർ ഹിറ്റ് ചിത്രത്തിലൂടെ മലയാള സിനിമയിൽ എത്തിയ നടിയാണ് സംയുക്ത മേനോൻ. അതിനു ശേഷം ലില്ലി എന്ന ചിത്രത്തിലെ ഗംഭീര പ്രകടനത്തോടെ സംയുക്ത ഒരു മികച്ച നടി എന്ന നിലയിലും പേരെടുത്തു. ടോവിനോ തോമസ് നായകനായ എടക്കാട് ബറ്റാലിയൻ, കൽക്കി, ആസിഫ് അലി നായകനായ അണ്ടർ വേൾഡ്, ഉയരെ, ദുൽഖർ സൽമാൻ നായകനായ ഒരു യമണ്ടൻ പ്രേമകഥ, ജയസൂര്യ നായകനായ വെള്ളം, ആന്തോളജി ചിത്രമായ ആണും പെണ്ണും, ഒടിടി റിലീസ് ആയെത്തിയ വുൾഫ് എന്നീ ചിത്രങ്ങളിലും പിന്നീട് വേഷമിട്ട ഈ നടി സോഷ്യൽ മീഡിയയിലും ഏറെ സജീവമാണ്. ലോക്ക് ഡൌൺ സമയത്തു ശരീര ഭാരം കുറച്ചു വമ്പൻ മേക് ഓവർ നടത്തിയ ഈ നടി പങ്കു വെക്കുന്ന ചിത്രങ്ങൾ വലിയ രീതിയിൽ ആണ് പ്രേക്ഷക ശ്രദ്ധ നേടാറുള്ളത്.

ഇപ്പോഴിതാ, ബിക്കിനി അണിഞ്ഞു നിൽക്കുന്ന തന്റെ പുതിയ പൂൾ ചിത്രമാണ് സംയുക്ത മേനോൻ പങ്കു വെച്ചിരിക്കുന്നത്. ചിത്രം പുറത്തു വിട്ട് മിനിട്ടുകൾക്കകം അത് സോഷ്യൽ മീഡിയയിൽ വൈറൽ ആവുകയും ചെയ്തു. ജീവിതം പെർഫെക്റ്റ് അല്ലെങ്കിലും ബിക്കിനി പെർഫെക്റ്റ് ആണെന്നാണ് സംയുക്ത അതിനൊപ്പം കുറിച്ചിരിക്കുന്നത്. പൃഥ്വിരാജ് നായകനായ കടുവ, കന്നഡ ചിത്രം ഗാലിപട്ട 2 , മലയാള ചിത്രം എരിഡ എന്നിവയാണ് ഇനി സംയുക്ത അഭിനയിച്ചു പുറത്തു വരാൻ ഉള്ള ചിത്രങ്ങൾ. വി.കെ. പ്രകാശ് സംവിധാനം ചെയ്യുന്ന എരിഡ എന്ന ചിത്രത്തിന് വേണ്ടിയാണു സംയുക്ത വമ്പൻ മേക് ഓവർ നടത്തിയത്. അതിനു വേണ്ടി സംയുക്ത നടത്തിയ വർക്ക് ഔട്ട് വീഡിയോകൾ സോഷ്യൽ മീഡിയയിൽ ഏറെ വൈറൽ ആയി മാറിയിരുന്നു.

Advertisement

https://www.instagram.com/p/CSEaBwLJWfc/

Advertisement

Copyright © 2017 onlookersmedia.

Press ESC to close