മലയാളികളുടെ പ്രിയ നായികയായ ഭാവന ഏറെ നാളുകള്‍ക്ക് ശേഷം നായികയായെത്തുന്ന ചിത്രമാണ് ‘ശ്രീകൃഷ്ണ@ജിമെയില്‍ ഡോട് കോം’. ഡാര്‍ലിംഗ് കൃഷ്ണ നായകനാകുന്ന ഈ ചിത്രത്തിൽ ഭാവന വക്കീല്‍ വേഷത്തിലാണ് എത്തുക. മൂന്ന് ദിവസം മുമ്പ് റീലിസ് ചെയ്ത ഈ ചിത്രത്തിന്റെ ട്രെയിലറിന് ഇപ്പോൾ വമ്പൻ പ്രതീകരണങ്ങൾ നേടി സോഷ്യൽ മീഡിയയിൽ മുന്നേറുകയാണ്. ഏകദേശം ഒരു മില്യൺ കാഴ്ചകാരാണ് ഈ ട്രെയ്‌ലർ നേടിയെടുത്തിരിക്കുന്നത്.
നാഗശേഖര്‍ സംവിധാനം ചെയുന്ന ഈ ചിത്രം നിർമിച്ചിരിക്കുന്നത് സന്ദേശ് പ്രൊഡക്ഷന്‍സിന്റെ ബാനറില്‍ സന്ദേശ് നാഗരാജാണ് . ചിത്രത്തിനായി ഛായാഗ്രാഹണം നിർവഹിച്ചിരിക്കുന്നത് സത്യ ഹെഗ്‌ഡെയും,എഡിറ്റിംഗ് ദീപു എസ്. കുമാറുമാണ്. കവിരാജ് വരികൾക്ക് സംഗീതം നല്‍കിയിരിക്കുന്നത് അര്‍ജുന്‍ ജന്യയാണ്.
ഭാവനയുടേതായി ഏറ്റവുമൊടുവില്‍ പ്രദര്‍ശനത്തിനെത്തിയ ഇൻസ്‍പെക്ടര്‍ വിക്രം വൻ ഹിറ്റായി മാറിയിരുന്നതിനാല്‍ തന്നെ ഭാവന നായികയാകുന്ന ശ്രീകൃഷ്ണ@ജിമെയില്‍ ഡോട് കോം ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്. ബജ്രംഗി 2, ഗോവിന്ദ ഗോവിന്ദ, എന്നിവയാണ് താരത്തിന്റേതായി അണിയറയില്‍ ഒരുങ്ങുന്ന പുതിയ ചിത്രങ്ങള്‍.
