പ്രശസ്ത സംവിധായകൻ സലിം അഹമ്മദ് ഒരുക്കിയ നാലാമത്തെ ചിത്രമാണ് ആൻഡ് ദി ഓസ്കാർ ഗോസ് ടു. അദ്ദേഹത്തിന്റെ ആത്മ കഥാംശം കൂടി ചേർന്ന ഈ ചിത്രത്തിൽ ടോവിനോ തോമസ് ആണ് നായക വേഷത്തിൽ എത്തിയത്. കഴിഞ്ഞ മാസം റിലീസ് ചെയ്ത ഈ ചിത്രം സാധാരണ പ്രേക്ഷകരുടേയും അതുപോലെ സിനിമാ നിരൂപകരുടെയും വലിയ പ്രശംസയാണ് നേടിയെടുത്തത്. ടോവിനോ തന്റെ കരിയർ ബെസ്റ്റ് പെർഫോമൻസ് കാഴ്ച വെച്ച ഈ ചിത്രത്തിൽ സിദ്ദിഖ്, സലിം കുമാർ, അനു സിതാര, വിജയ രാഘവൻ, ദിനേശ് പ്രഭാകർ, ശ്രീനിവാസൻ, ലാൽ, ശരത് കുമാർ, വെട്ടുക്കിളി പ്രകാശൻ, ജാഫർ ഇടുക്കി, കവിത നായർ, തുടങ്ങി ഒട്ടേറെ അഭിനേതാക്കൾ മികച്ച പ്രകടനം കാഴ്ച വെച്ചിട്ടുണ്ട്. ഇപ്പോഴിതാ തിരുവനന്തപുരത്തു വെച്ച് നടന്ന ഈ ചിത്രത്തിന്റെ വിജയാഘോഷത്തിൽ വമ്പൻ ജനാവലിയാണ് പങ്കെടുത്തത്.https://youtu.be/IvnQL_sCZec
മാൾ ഓഫ് ട്രാവന്കൂറിൽ വെച്ചായിരുന്നു ഈ ചിത്രത്തിന്റെ വിജയാഘോഷം നടന്നത്. ചിത്രത്തിലെ നായകനായ ടോവിനോ തോമസ്, സംവിധായകൻ സലിം അഹഹമ്മദ്, അപ്പാനി ശരത്, ദിനേശ് പ്രഭാകർ തുടങ്ങിയവർ അവിടെ എത്തിച്ചേർന്നിരുന്നു. വമ്പൻ കയ്യടികളോടെയും ആർപ്പു വിളികളോടെയും ആണ് ജനങ്ങൾ ഇവരെ സ്വീകരിച്ചത്. ജനങ്ങൾ നൽകിയ ആവേശകരമായ ഈ സ്വീകരണത്തിനും സിനിമയ്ക്കു നൽകിയ പിന്തുണക്കും ടോവിനോ തോമസ്, സലിം അഹമ്മദ് എന്നിവർ നന്ദി പറഞ്ഞു. ഇവർക്കൊപ്പം അവിടെ ഈ സിനിമയുടെ പ്രത്യേക ഷോ കാണാനും പ്രേക്ഷകർക്ക് അവസരം ലഭിച്ചു. സിനിമയുടെ വിജയാഘോഷം അവിടെ വെച്ച് കേക്ക് മുറിച്ചാണ് അണിയറപ്രവർത്തകർ ആഘോഷിച്ചത്.
