മമ്മൂട്ടിയെ നായകനാക്കി വൈശാഖ് സംവിധാനം ചെയ്തിരിക്കുന്ന ‘മധുരാജ’ കേരളത്തിൽ നിറഞ്ഞ സദസ്സിൽ പ്രദർശനം തുടരുകയാണ്. ഉദയകൃഷ്ണയാണ് ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത്. മമ്മൂട്ടിയുടെ കരിയറിലെ തന്നെ ഏറ്റവും വലിയ ഹിറ്റിലേക്ക് ചിത്രം കുതിച്ചുകൊണ്ടിരിക്കുകയാണ്. ഗോപി സുന്ദറാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്.
ആരാധകർ ഏറെ പ്രതീക്ഷയോടെ കാത്തിരുന്ന ചിത്രത്തിലെ ‘തലൈവ’ എന്ന് തുടങ്ങുന്ന ഗാനം അണിയറ പ്രവർത്തകർ കഴിഞ്ഞ ദിവസം പുറത്തുവിട്ടിരുന്നു.മധുരാജയോടുള്ള ആദരവ് സൂചകമായി എന്ന് അടിക്കുറിപ്പോടെയാണ് ചിത്രത്തിന്റെ സംഗീത സംവിധായകൻ കൂടിയായ ഗോപി സുന്ധർ ഈ ഗാനം പുറത്തുവിട്ടത്. മെഗാസ്റ്റാറിന്റെ ആക്ഷൻ രംഗങ്ങളും മേക്കിങ് വിഡിയോയും കോർത്തിണക്കികൊണ്ടാണ് ഈ ഗാനം ഒരുക്കിയിരിക്കുന്നത്. നിമിഷങ്ങൾക്കുള്ളിൽ തന്നെ സോഷ്യൽ മീഡിയയിൽ ഈ ഗാനം തരംഗമായി മാറി. നിരഞ്ജ് സുരേഷും ദേവ് ഹബിബുള്ളയും ഗോപി സുന്ദറുമാണ് ഗാനത്തിനു വേണ്ടി വരികൾ രചിച്ചിരിക്കുന്നത്. ഈ ഹിറ്റ് ഗാനം ആലപിച്ചിരിക്കുന്നത് ഗോപി സുന്ദറാണ്.
