കഴിഞ്ഞ ദിവസമാണ് ഇന്ത്യയിലെ ആഭ്യന്തര ട്വന്റി ട്വന്റി ക്രിക്കറ്റ് ടൂർണമെന്റ് ആയ സയ്ദ് മുഷ്‌താഖ്‌ അലി ട്രോഫിയുടെ പുതിയ സീസൺ സമാപിച്ചത്. ബറോഡയെ ഫൈനലിൽ തോൽപ്പിച്ചു കൊണ്ട് തമിഴ് നാട് ക്രിക്കറ്റ് ടീം തങ്ങളുടെ രണ്ടാം കിരീടമാണ് നേടിയത്. ഇന്ത്യൻ ക്രിക്കറ്റ് താരമായ ദിനേശ് കാർത്തിക്കിന്റെ നേതൃത്വത്തിൽ ഈ നേട്ടം രണ്ടാം തവണയും സ്വന്തമാക്കിയ തമിഴ് നാട് ടീമിന്റെ സന്തോഷ പ്രകടനത്തിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറൽ ആകുന്നതു. തമിഴ് നാട് ടീം ഡ്രസിങ് റൂമിൽ, ടീമിലെ മുഴുവൻ താരങ്ങളും അണിനിരന്നു കൊണ്ട് വിജയ് ചിത്രമായ മാസ്റ്ററിലെ സൂപ്പർ ഹിറ്റ് ഗാനമായ വാത്തി കമിങ്ങിനു ചുവടു വെക്കുന്ന വീഡിയോയാണ് ഇപ്പോൾ സൂപ്പർ ഹിറ്റായിരിക്കുന്നതു. നായകൻ ദിനേശ് കാർത്തിക്കിന്റെ നേതൃത്വത്തിൽ ടീമംഗങ്ങൾ വിജയ്‌യുടെ നൃത്ത ചുവടു അനുകരിക്കുന്ന വീഡിയോ വിജയ് ആരാധകരും ആഘോഷത്തോടെ ഏറ്റെടുത്തു കഴിഞ്ഞു. ലോകേഷ് കനകരാജ് സംവിധാനം ചെയ്ത മാസ്റ്റർ എന്ന ചിത്രം ഇപ്പോഴും പ്രദർശനം തുടരുകയാണ്.
സൂപ്പർ ഹിറ്റായി മാറിയ മാസ്റ്റർ തമിഴ്‌നാട്ടിൽ നിന്ന് മാത്രം 125 കോടിക്ക് മുകളിൽ കളക്ഷൻ നേടിക്കഴിഞ്ഞു. ഏതാനും ദിവസങ്ങൾക്കു മുൻപ് ആമസോൺ പ്രൈമിൽ റിലീസ് ചെയ്തിട്ടും തമിഴ് നാട്ടിലെ തീയേറ്ററുകളിൽ ഈ ചിത്രം നിറഞ്ഞോടുകയാണ്. വിജയ്‌ക്കൊപ്പം മക്കൾ സെൽവൻ വിജയ് സേതുപതിയും പ്രധാന വേഷം ചെയ്ത ഈ ചിത്രത്തിൽ നായികാ വേഷം ചെയ്തിരിക്കുന്നത് മലയാളിയായ മാളവിക മോഹനൻ ആണ്. അനിരുദ്ധ് രവിചന്ദർ ഈണം നൽകിയ ഈ ചിത്രത്തിലെ എല്ലാ ഗാനങ്ങളും സൂപ്പർ ഹിറ്റായിരുന്നു. അതിൽ തന്നെ ഏറ്റവും തരംഗം സൃഷ്‌ടിച്ച ഗാനമാണ് വാത്തി കമിങ് എന്ന ഫാസ്റ്റ് നമ്പർ.
That's how celebrate a Win 🤩 VAATHI COMING OTHEY 🔥
— Anirudh FP (@Anirudh_FP) February 1, 2021
Congratulations guys! @DineshKarthik & team on winning the #SMA2021 🥳@anirudhofficial @SonyMusicSouth
pic.twitter.com/lSHeLAWFNa
