തെന്നിന്ത്യൻ സിനിമയിലെ ഏറ്റവും മികച്ച നായികമാരിലൊരാളായിരുന്നു ശോഭന. മലയാളം, തമിഴ് സിനിമകളിലെ ഗംഭീര വേഷങ്ങളിലൂടെ ശ്രദ്ധ നേടിയ ശോഭന മികച്ച നടിക്കുള്ള ദേശീയ പുരസ്‍കാരമടക്കം നേടിയെടുത്തിട്ടുള്ള കലാകാരിയായാണ്. മോഹൻലാൽ, രജനികാന്ത്, മമ്മൂട്ടി തുടങ്ങി തെന്നിന്ത്യൻ സിനിമയിലെ സൂപ്പർ താരങ്ങളുടെയെല്ലാം നായികാ വേഷം ചെയ്തിട്ടുള്ള ശോഭന ഒരു ഗംഭീര ക്ലാസിക്കൽ ഡാൻസർ കൂടിയാണ്. സിനിമയിൽ നിന്ന് മാറി നിന്നതിനു ശേഷം തന്റെ ഡാൻസ് സ്‌കൂളും നൃത്ത പരിപാടികളുമായി തിരക്കിലാണ് ശോഭന. ഇപ്പോഴിതാ ഈ ലോക്ക് ഡൌൺ കാലത്തു ശോഭന നൃത്തം പരിശീലിക്കുന്ന ഒരു വീഡിയോ ആണ് സോഷ്യൽ മീഡിയയിൽ വൈറലാവുന്നത്. ശോഭനയോടൊപ്പം ശോഭനയുടെ കീഴിൽ നൃത്തം അഭ്യസിക്കുന്ന വിദ്യാർത്ഥികളുമുണ്ട് നൃത്തം ചെയ്യാൻ. കലാർപ്പണ എന്നാണ് ശോഭന നടത്തുന്ന നൃത്ത വിദ്യാലയത്തിന്റെ പേര്.
ശോഭനയും വിദ്യാർത്ഥികളും അവരവരുടെ വീടുകളിൽ വെച്ച് ആണ് നൃത്ത രംഗങ്ങൾ ചിത്രീകരിച്ചിരിക്കുന്നത്. ചെടികൾക്കു വെള്ളമൊഴിക്കുന്നതും കുഞ്ഞിനു ഭക്ഷണം കൊടുക്കുന്നതും അടുക്കളയിൽ ജോലി ചെയ്യുന്നതുമൊക്കെ നൃത്ത ചുവടുകളോടെയാണ് എന്നതാണ് ഈ വീഡിയോയുടെ പ്രത്യേകത. ഈ ലോക്ക് ഡൌൺ ദിനങ്ങളെ കൂടുതൽ ക്രിയാത്മകമാക്കുക എന്ന സന്ദേശത്തോടെയാണ് ശോഭന ഇപ്പോഴേ നൃത്താവിഷ്കാരം നടത്തിയിരിക്കുന്നത്. രണ്ടു മിനിറ്റോളം ദൈർഖ്യമുള്ള ഈ വീഡിയോക്ക് വലിയ രീതിയിലുള്ള പ്രശംസയാണ് സോഷ്യൽ മീഡിയയിൽ നിന്ന് ലഭിക്കുന്നത്. വരനെ ആവശ്യമുണ്ട് എന്ന മലയാള ചിത്രത്തിലൂടെ ശോഭന ഈ വർഷം മലയാള സിനിമയിലേക്ക് മടങ്ങി വന്നിരുന്നു. സുരേഷ് ഗോപിയുടെ നായികയായി ശോഭന അഭിനയിച്ച ഈ സൂപ്പർ ഹിറ്റ് ചിത്രം സംവിധാനം ചെയ്തത് സത്യൻ അന്തിക്കാടിന്റെ മകൻ അനൂപ് സത്യൻ ആണ്.
https://www.instagram.com/p/B_FR23nAN1u/
