തെന്നിന്ത്യയിലെ ഏറ്റവും പോപ്പുലറായ നായികമാരിലൊരാളാണ് ഇന്ന് സാമന്ത. ലേഡി സൂപ്പർ സ്റ്റാർ നയൻ താര കഴിഞ്ഞാൽ ഏറ്റവും കൂടുതൽ പ്രതിഫലം കിട്ടുന്ന തെന്നിന്ത്യൻ നായികാ താരം കൂടിയാണ് സാമന്ത. അഞ്ചു കോടി രൂപ ആണ് സാമന്ത ഇപ്പോൾ വാങ്ങുന്ന പ്രതിഫലം. തമിഴ്, തെലുങ്ക് സിനിമകളിൽ സജീവമായ സമാന്ത, തെലുങ്കിലെ സൂപ്പർ താരം നാഗാർജ്ജുനയുടെ മകനും തെലുങ്കിലെ യുവ താരമായ നാഗ ചൈതന്യയെ വിവാഹം കഴിച്ചിരുന്നു എങ്കിലും, ഈ അടുത്തിടെ ആണ് അവർ വേർപിരിയാൻ തീരുമാനിച്ചത്. തമിഴ്, തെലുങ്ക് സിനിമകളിലെ സൂപ്പർ താരങ്ങൾക്കൊപ്പമെല്ലാം അഭിനയിച്ചിട്ടുള്ള സാമന്ത ഇപ്പോൾ വെബ് സീരീസുകളും ചെയ്യുന്നുണ്ട്. ആമസോൺ വെബ് സീരിസ് ആയ ഫാമിലി മാൻ 2 ലെ തകർപ്പൻ പ്രകടനവും പുഷ്പ എന്ന തെലുങ്കു ചിത്രത്തിലെ ഐറ്റം ഡാൻസ് നേടിയ വമ്പൻ ജനപ്രീതിയും സാമന്തയുടെ താരമൂല്യം വർധിപ്പിച്ചിരിക്കുകയാണ്.
ഗ്ലാമർ വേഷങ്ങൾ ചെയ്യാനും ഗ്ലാമർ വേഷത്തിൽ പ്രത്യക്ഷപ്പെടാനും മടി കാണിക്കാത്ത ഈ നടിയുടെ ഏറ്റവും പുതിയ വീഡിയോ ആണ് വൈറൽ ആവുന്നത്. റെഡ് കാർപെറ്റ് ക്രിട്ടിക് ചോയ്സ് അവാർഡ് ചടങ്ങിലേക്ക് സ്റ്റൈലിഷ് ആയും ഗ്ലാമറസ് ആയുമുള്ള വസ്ത്രത്തിൽ സാമന്ത എത്തുന്ന വീഡിയോ ആണ് ശ്രദ്ധ നേടുന്നത്. കടും പച്ച നിറത്തിലുള്ള വസ്ത്രം ധരിച്ചാണ് സാമന്ത എത്തുന്നത്. സാമന്ത അഭിനയിച്ചു ഇനി റിലീസ് ചെയ്യാൻ ഉള്ളത് കാത്തുവാക്കുല രണ്ടു കാതല്‍, ശാകുന്തളം, യശോദ എന്നീ ചിത്രങ്ങൾ ആണ്. മനോജ് ബാജ്‌പേയി പ്രധാനകഥാപാത്രത്തെ അവതരിപ്പിച്ച ഫാമിലി മാന്‍ 2 വെബ് സീരിസിലെ രാജലക്ഷ്മി ശേഖരന്‍ എന്ന കഥാപാത്രത്തിലൂടെ ഈ നടി ഇന്ത്യ മുഴുവൻ ജനപ്രീതി നേടിയെടുത്തിരുന്നു.
ഫോട്ടോ കടപ്പാട്: Friday Culture
