യുവ സൂപ്പർ താരം പൃഥ്വിരാജ് സുകുമാരൻ ഇപ്പോൾ സിനിമയിൽ നിന്ന് മൂന്നു മാസത്തെ ബ്രേക്ക് എടുത്തിരിക്കുകയാണ്. ബ്ലെസ്സി ഒരുക്കുന്ന ആട് ജീവിതം എന്ന സിനിമയ്ക്കു വേണ്ടി ശരീര ഭാരം കുറയ്ക്കാനായി ആണ് പൃഥ്വിരാജ് ഇപ്പോൾ ബ്രേക്ക് എടുത്തിരിക്കുന്നത്. ഇപ്പോഴിതാ പുതിയ ലുക്കിൽ ഉള്ള പൃഥ്വിരാജ് സുകുമാരന്റെ ഒരു മാസ്സ് വീഡിയോ ആണ് ശ്രദ്ധ നേടുന്നത്. പുതിയ ബി എം ഡബ്ള്യു 7 സീരിസിൽ സ്വയം ഡ്രൈവ് ചെയ്തു വന്നിറങ്ങുന്ന പൃഥ്വിരാജ് സുകുമാരന്റെ എൻട്രി വീഡിയോ ആണ് വൈറൽ ആവുന്നത്. കട്ട താടിയിൽ ഏറെ മെലിഞ്ഞാണ് ഈ യുവ താരം ആ വിഡിയോയിൽ കാണപ്പെടുന്നത്. ഏതായാലും ആ വീഡിയോ ആരാധകരുടെ ഇടയിലും സിനിമ പ്രേമികളുടെ ഇടയിലും ശ്രദ്ധ നേടുകയാണ്.
പൃഥ്വിരാജ് നായകനായി എത്തിയ പുതിയ ചിത്രം ഡ്രൈവിംഗ് ലൈസെൻസ് വമ്പൻ പ്രേക്ഷകാഭിപ്രായം നേടി സൂപ്പർ ഹിറ്റിലേക്ക് കുതിക്കുകയാണ്. പൃഥ്വിരാജ്, സുരാജ് വെഞ്ഞാറമൂട് എന്നിവർ കേന്ദ്ര കഥാപാത്രങ്ങളെ അവതരിപ്പിച്ച ഈ ചിത്രം സംവിധാനം ചെയ്തത് ലാൽ ജൂനിയറും രചിച്ചത് സച്ചിയും ആണ്. പൃഥ്വിരാജ്, ലിസ്റ്റിൻ സ്റ്റീഫൻ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നതും. ഒരു സൂപ്പർ സ്റ്റാറും അദ്ദേഹത്തിന്റെ ആരാധകനും തമ്മിൽ ഉള്ള ബന്ധത്തിന്റെ കഥയാണ് ഈ ചിത്രം പറയുന്നത്. വളരെ ആവേശകരമായി ഒരുക്കിയിരിക്കുന്ന ഈ ചിത്രത്തിൽ ഒരു വലിയ താര നിര തന്നെ അണിനിരന്നിട്ടുണ്ട്. സച്ചി സംവിധാനം ചെയ്ത അയ്യപ്പനും കോശിയും ആണ് പൃഥ്വിരാജ് നായകനായി എത്തുന്ന അടുത്ത റിലീസ്. ആ ചിത്രം ജനുവരിയിൽ എത്തും എന്നാണ് റിപ്പോർട്ടുകൾ പറയുന്നത്.
