മലയാളി പ്രേക്ഷകരുടെ പ്രിയ നായികാ താരങ്ങളിൽ ഒരാളായ ഹണി റോസ് ഇപ്പോൾ സോഷ്യൽ മീഡിയയിലും നിറഞ്ഞു നിൽക്കുന്ന താരങ്ങളിലൊരാളാണ്. ഹണി റോസിന്റെ പുത്തൻ മേക്കോവർ ചിത്രങ്ങൾ, വീഡിയോകൾ, ഹണി പങ്കെടുക്കുന്ന പൊതു പരിപാടികളിൽ നിന്നുള്ള ചിത്രങ്ങൾ- വീഡിയോ, ഫോട്ടോഷൂട്ട് ചിത്രങ്ങളെന്നിവയൊക്കെ വലിയ രീതിയിലാണ് സോഷ്യൽ മീഡിയയിൽ വൈറലായി മാറുന്നത്. അതുപോലെ ഏറ്റവും പുതിയതായി ശ്രദ്ധ നേടുന്ന ഒരു വീഡിയോ, ഹണി റോസ് ജിമ്മിൽ വർക്ക് ഔട്ട് ചെയ്യുന്നതാണ്. അഭിനയ മികവിനൊപ്പം തന്റെ സൗന്ദര്യം കൊണ്ട് കൂടി ഒട്ടേറെ ആരാധകരെ നേടിയ ഈ താരം, ശരീര സംരക്ഷണത്തിന് വലിയ പ്രാധാന്യം നൽകുന്ന നായികാ താരങ്ങളിൽ ഒരാളാണ്. അത്കൊണ്ട് തന്നെ തന്റെ ഫിറ്റ്നസ് നിലനിർത്താൻ ജിമ്മിൽ വിയർപ്പൊഴുക്കുന ഹണി റോസിന്റെ പുത്തൻ വീഡിയോ ആരാധകർ ഏറ്റെടുത്തുകഴിഞ്ഞു.
സൂപ്പർ ഹിറ്റ് സംവിധായകൻ വിനയൻ സംവിധാനം ചെയ്ത, മണിക്കുട്ടന്‍ നായകനായ ബോയ്ഫ്രണ്ട് എന്ന ചിത്രത്തിലൂടെ മലയാളി പ്രേക്ഷകർക്ക് മുന്നിലെത്തിയ ഈ നായികാ താരം, അതിനു ശേഷം ഒട്ടേറെ ശ്രദ്ധേയ ചിത്രങ്ങളിലൂടെ പ്രേക്ഷകരുടെ കയ്യടി നേടി. ട്രിവാന്‍ഡ്രം ലോഡ്ജ് എന്ന് പേരുള്ള വി കെ പ്രകാശ് ചിത്രമാണ് ഈ നടിയുടെ കരിയറിൽ ബ്രേക്ക് നൽകിയത്. മലയാളം കൂടാതെ മറ്റ് തെന്നിന്ത്യൻ ഭാഷകളിലും അഭിനയിച്ച ഹണി റോസ് ഇപ്പോൾ തെലുങ്ക് സൂപ്പർ താരം ബാലയ്യയുടെ പുതിയ ചിത്രത്തിലെ നായികാ വേഷവും ചെയ്ത് കഴിഞ്ഞു. വൈശാഖിന്റെ സംവിധാനത്തിൽ ഒരുങ്ങിയ മോഹൻലാൽ ചിത്രമായ മോൺസ്റ്ററാണ് ഹണി റോസിന്റെ അടുത്ത മലയാളം റിലീസ്. ഈ വരുന്ന ഒക്ടോബറിൽ ദീപാവലി റിലീസായി മോൺസ്റ്റർ പുറത്ത് വരുമെന്നാണ് സൂചന.
