മലയാള സിനിമയിൽ ഒരുകാലത്ത് നിറഞ്ഞു നിന്നിരുന്ന നടിയാണ് നവ്യ നായർ. 2001 ൽ പുറത്തിറങ്ങിയ ഇഷ്ടം എന്ന ചിത്രത്തിലൂടെയാണ് താരം മലയാള സിനിമയിൽ ഭാഗമായത്. പിന്നീട് നന്ദനം, കല്യാണ രാമൻ, കുഞ്ഞിക്കൂനൻ, പാണ്ടിപട തുടങ്ങിയ ചിത്രങ്ങളിൽ ശ്രദ്ധേയമായ വേഷങ്ങൾ കൈകാര്യം ചെയ്തിരുന്നു. സീൻ ഒന്ന് നമ്മുടെ വീട് എന്ന ചിത്രത്തിലാണ് താരം അവസാനമായി മലയാളത്തിൽ അഭിനയിച്ചത്. അഭിനയ രംഗത്തിൽ നിന്ന് വർഷങ്ങളായി പിന്മാറി നിൽക്കുന്ന നവ്യ നായർ ഇപ്പോൾ നൃത്ത രംഗത്തിലൂടെ വീണ്ടും പ്രേക്ഷക മനസ്സ് കീഴടക്കുകയാണ്. ധനുഷ്, സായ് പല്ലവി എന്നിവർ കേന്ദ്ര കഥാപാത്രങ്ങളിലെത്തിയ മാരി 2 ലെ റൗഡി ബേബി എന്ന സൂപ്പർഹിറ്റ് ഗാനത്തിന് ചുവട് വെച്ചിരിക്കുകയാണ് നവ്യ നായർ.
നവ്യ നായരുടെ റൗഡി ബേബി യൂ ട്യൂബിൽ ഏഴ് ലക്ഷം കാഴ്ചക്കാരെ സ്വന്തമാക്കി മുന്നേറികൊണ്ടിരിക്കുകയാണ്. താരത്തിന്റെ നൃത്ത ചുവടിനെ അഭിനന്ദിച്ചു ഒരുപാട് പേർ രംഗത്തെത്തിയിട്ടുണ്ട്. സായ് പല്ലവിയുടെ അത്രേയും ഊർജം ഇല്ലെങ്കിലും നവ്യ നന്നായി ചെയ്തുവെന്നാണ് ഭൂരിപക്ഷം അഭിപ്രായം. സൗത്ത് ഇന്ത്യയിലെ തന്നെ ഏറ്റവും വലിയ ഹിറ്റ് ഗാനങ്ങളിൽ ഒന്നാണ് റൗഡി ബേബി. സായ് പല്ലവിയുടെ പകരം വെക്കാൻ സാധിക്കാത്ത നൃത്ത ചുവടുകൾ തന്നെയാണ് ഗാനത്തിന്റെ പ്രധാന ആകർഷണം. റൗഡി ബേബി എന്ന ഗാനം യൂ ട്യൂബിൽ കുറെ നാളുകൾ ട്രേഡിങ് പൊസിഷനിൽ ഉണ്ടായിരുന്നു. ഒരു വർഷം മുമ്പ് പുറത്തിറങ്ങിയ റൗഡി ബേബി എന്ന ഗാനം 959 മില്യൻ കാഴ്ചക്കാരെയാണ് ഇതുവരെ സ്വന്തമാക്കിയിരിക്കുന്നത്. സൗത്ത് ഇന്ത്യയിലെ തന്നെ ഏറ്റവും കൂടുതൽ കാഴ്ചക്കാരെ യൂ ട്യൂബിൽ സ്വന്തമാക്കിയിരിക്കുന്ന ഗാനമായി റൗഡി ബേബി മാറുകയായിരുന്നു.
