ലോകം മുഴുവൻ കോവിഡ് 19 പ്രതിസന്ധിയിൽ വീടിനുള്ളിൽ അടച്ചിരിക്കുമ്പോൾ പ്രതീക്ഷ പകരുന്ന കലാ പ്രകടനങ്ങളുമായി സിനിമാ താരങ്ങളും നർത്തകരും സംഗീതജ്ഞരുമെല്ലാം മുന്നോട്ടു വരുന്നുണ്ട്. ഇപ്പോൾ തന്നെ അങ്ങനെ ഒരുപാടെണ്ണം നമ്മൾ കണ്ടും കഴിഞ്ഞു. പ്രശസ്ത നടിമാരും നർത്തകിമാരുമായ ശോഭന, ദിവ്യ ഉണ്ണി, മിയ, രചന നാരായണൻ കുട്ടി തുടങ്ങിയവരെല്ലാം ഇത്തരം വീഡിയോകളുമായി സോഷ്യൽ മീഡിയയിലൂടെ മുന്നോട്ടു വന്നിട്ടുണ്ട്. ഇപ്പോഴിതാ പ്രശസ്ത മലയാള നടി മമത മോഹൻദാസും ഒരു പോപ്പുലർ ഇംഗ്ലീഷ് ഗാനത്തിന്റെ കവർ വേർഷനുമായി നമ്മുടെ മുന്നിലെത്തിയിരിക്കുകയാണ്. കൗതുകരമായ കാര്യമെന്തെന്നാൽ, വളരെ മനോഹരമായി ഒരുക്കിയിരിക്കുന്ന ഈ വീഡിയോ സോങ്ങിന് ദൃശ്യങ്ങളൊരുക്കിയിരിക്കുന്നതു മമത മോഹൻദാസിന്റെ അച്ഛനായ മോഹൻദാസ് ആണ്. ബേർഡി ആൻഡ് റോഡ്‌സ് ടീമിന്റെ ലെറ്റ് ഇറ്റ് ഗോ എന്ന് തുടങ്ങുന്ന ഗാനത്തിന്റെ കവർ വേർഷനാണ് ഇപ്പോൾ ഇവർ പുറത്തു വിട്ടിരിക്കുന്നത്. മമത മോഹൻദാസിനൊപ്പം ചേർന്ന് പ്രശസ്ത ഗായകനായ നിരഞ്ച് സുരേഷ് ആണ് ഈ ഗാനം ഒരുക്കിയിരിക്കുന്നത്.
മമതയുടെ അച്ഛൻ മോഹൻദാസ്, സുരേഷ് എൻ എന്നിവർ ചേർന്ന് ഷൂട്ട് ചെയ്തിരിക്കുന്ന ഈ സോങ് വീഡിയോയുടെ ആശയവും ഇത് എഡിറ്റ് ചെയ്തിരിക്കുന്നതും ഈ ഗാനം പ്രോഗ്രാം ചെയ്തിരിക്കുന്നതും നിരഞ്ച് സുരേഷ് ആണ്. എല്ലാവരും ലോക്ക് ഡൗണിലിരിക്കുമ്പോൾ മനസ്സിൽ പ്രതീക്ഷ പകരുന്ന ഒരാശയമാണ് ഈ ഗാനത്തിലൂടെ ഇവർ മുന്നോട്ടു വെക്കുന്നത്. കഴഞ്ഞ ദിവസം റിലീസ് ചെയ്ത ഈ ഗാനത്തിന് സോഷ്യൽ മീഡിയയിൽ നിന്ന് വളരെ വലിയ പ്രശംസയാണ് ലഭിക്കുന്നത്. മമത മോഹൻദാസ് അതിമനോഹരമായി പെർഫോം ചെയ്തിരിക്കുന്ന ഈ സോങ് വീഡിയോയിൽ നിരഞ്ച് സുരേഷ് എന്ന സംഗീതജ്ഞന്റെ സംഭാവനയും എടുത്തു പറഞ്ഞെ പറ്റൂ.
