നിവിൻ പോളി ആരാധകരും മലയാള സിനിമാ പ്രേമികളും ഏറെ കാത്തിരുന്ന കനകം കാമിനി കലഹം എന്ന ചിത്രത്തിന്റെ ആദ്യ ടീസർ ഇന്ന് വൈകുന്നേരം ആറു മണിക്ക് പുറത്തു വന്നു. വളരെ രസകരമായ ഈ ടീസർ സോഷ്യൽ മീഡിയ ഏറ്റെടുക്കുന്ന കാഴ്ചയാണ് കാണാൻ സാധിക്കുന്നത്. ആൻഡ്രോയ്ഡ് കുഞ്ഞപ്പന് ശേഷം രതീഷ് ബാലകൃഷ്ണൻ പൊതുവാൾ തിരക്കഥയും സംവിധാനവും നിർവഹിച്ചിരിക്കുന്ന ചിത്രമാണ് കനകം കാമിനി കലഹം. പോളി ജൂനിയർ പിക്‌ചേഴ്‌സിന്റെ ബാനറിൽ നിവിൻ പോളി തന്നെ നിർമ്മിച്ചിരിക്കുന്ന ഈ ചിത്രത്തിൽ ഗ്രെയ്‌സ് ആന്റണി, വിനയ് ഫോർട്ട്, സുധീഷ്, ജോയ് മാത്യു, ജാഫർ ഇടുക്കി, ശിവദാസൻ കണ്ണൂർ, സുധീർ പറവൂർ, രാജേഷ് മാധവൻ,വിൻസി അലോഷ്യസ് തുടങ്ങിയവരും പ്രധാന വേഷങ്ങൾ ചെയ്തിരിക്കുന്നു. ഒരു മുഴുനീള കോമഡി എന്റർടെയ്നർ ചിത്രമാണ് കനകം കാമിനി കലഹം എന്ന സൂചനയാണ് ഇന്ന് വന്ന ടീസർ നമ്മുക്ക് തരുന്നത്.
വിനോദ് ഇല്ലംപിള്ളി ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന് വേണ്ടി സംഗീതം പകർന്നിരിക്കുന്നത് യാക്‌സൻ ഗാരി പെരേര, നേഹ നായർ എന്നിവർ ചേർന്നാണ്. മനോജ് കണ്ണോത് ആണ് ഈ ചിത്രത്തിന്റെ എഡിറ്റർ. തുറമുഖം, പടവെട്ട്, എന്നിവയാണ് നിവിന്റെ ഉടനെ വരാനിരിക്കുന്ന മറ്റു ചിത്രങ്ങള്‍. രാജീവ് രവി ഒരുക്കിയ തുറമുഖം നിവിന്റെ കരിയറിലെ ഏറ്റവും വലിയ ചിത്രങ്ങളിൽ ഒന്നാണ്. ഇത് കൂടാതെ ബിസ്മി സ്പെഷ്യൽ, താരം, ഗാംഗ്സ്റ്റർസ് ഓഫ് മുണ്ടൻമല എന്നിവയും നിവിൻ പോളി കമ്മിറ്റ് ചെയ്തിട്ടുള്ള ചിത്രങ്ങൾ ആണ്. ഗീതു മോഹൻദാസ് ഒരുക്കിയ മൂത്തോൻ ആയിരുന്നു നിവിൻ പോളിയുടെ അവസാന റിലീസ്.
