സ്വവർഗാനുരാഗത്തിന്റെ കഥ പറയുന്ന ചിത്രങ്ങളുടെ കൂട്ടത്തിലേക്കു മലയാളത്തിൽ നിന്ന് ഒന്ന് കൂടി എത്തുകയാണ്. ഹോളി വൗണ്ട് എന്ന് പേരിട്ടിരിക്കുന്ന ഈ ചിത്രത്തിന്റെ ട്രൈലെർ ഇപ്പോൾ റിലീസ് ചെയ്തിരിക്കുകയാണ്. അശോക് ആർ നാഥ് സംവിധാനം ചെയ്തിരിക്കുന്ന ഈ ചിത്രം രചിച്ചിരിക്കുന്നത് പോൾ വൈക്ലിഫ് ആണ്. സന്ദീപ് ആർ ആണ് ഈ ചിത്രം നിർമ്മിച്ചിരിക്കുന്നത്. ഉണ്ണി മടവൂർ ക്യാമറ ചലിപ്പിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് വിപിൻ മണ്ണൂർ ആണ്. വലിയ ശ്രദ്ധയാണ് ഈ ചിത്രത്തിന്റെ ട്രൈലെർ ഇപ്പോൾ നേടിയെടുക്കുന്നത്. വളരെ ധീരമായ ഒരു പരീക്ഷണം കൂടിയാണ് ഈ ചിത്രത്തിലൂടെ സംവിധായകൻ അശോക് ആർ നാഥ് നടത്തുന്നത് എന്ന് പറയാം. വിവാദങ്ങളും വിമർശനങ്ങളും ഏറെ ഉണ്ടാവാൻ സാധ്യത ഉള്ള ഒരു വിഷയമായി ഇന്നും സ്വവർഗാനുരാഗം നിലനിൽക്കുന്ന സാഹചര്യത്തിലാണ് ഇത്തരമൊരു ചിത്രവുമായി അദ്ദേഹം എത്തുന്നത്.
https://www.instagram.com/tv/CYGGKYvA7Lr/?utm_source=ig_web_copy_link
മരക്കാർ അര്ബിക്കടലിന്റെ സിംഹം എന്ന ചിത്രത്തിന് സംഗീതം ഒരുക്കിയ റോണി റാഫേൽ ആണ് ഈ ചിത്രത്തിനും സംഗീതമൊരുക്കിയിരിക്കുന്നതു. ജാനകി സുധീർ, അമൃത, സബ് എന്നിവർ പ്രധാന വേഷങ്ങൾ ചെയ്യുന്ന ഈ ചിത്രത്തിന്റെ പോസ്റ്ററുകളും നേരത്തെ ശ്രദ്ധ നേടിയിരുന്നു. കൊല്ലം ജില്ലയിൽ ആണ് ഈ ചിത്രത്തിന്റെ ഏറിയ പങ്കും ഷൂട്ട് ചെയ്തത്. നേരത്തെ മോഹൻലാൽ, സുകുമാരി എന്നിവർ അഭിനയിച്ച മിഴികൾ സാക്ഷി, അതുപോലെ ആന്തോളജി ചിത്രമായ ക്രോസ്സ് റോഡിലെ ഒരു ചിത്രം എന്നിവ ഒരുക്കിയത് അശോക് ആർ നാഥ് ആണ്. ചെറുപ്പം മുതൽ പ്രണയത്തിലായിരുന്ന രണ്ടു യുവതികൾ ഒരു ഇടവേളയ്ക്കു ശേഷം വീണ്ടും കണ്ടു മുട്ടുന്നത് ആണ് ഹോളി വൗണ്ട് എന്ന ചിത്രം നമ്മുടെ മുന്നിലെത്തിക്കുന്ന പ്രമേയത്തിന്റെ കാതൽ.
