ബോളിവുഡിലെ സിനിമ പ്രേമികൾ ഏറെ പ്രതീക്ഷയോടെ കാത്തിരിക്കുന്ന ആന്തോളജി ചിത്രമാണ് ഫോർബിഡൺ ലൗവ്. 4 റൊമാന്റിക് ചിത്രങ്ങൾ അടങ്ങുന്ന ഒരു വലിയ സിനിമയായിട്ടാണ് അണിയിച്ചൊരുക്കിയിരിക്കുന്നത്. ഇന്ത്യയിലെ തന്നെ പ്രമുഖരായ 4 സംവിധായകർ ചേർന്നാണ് ചിത്രം സംവിധാനം ചെയ്തിരിക്കുന്നത്. പ്രിയദർശൻ, പ്രദീപ് സർക്കാർ, അനിരുദ്ധ റോയ്, മഹേഷ് മഞ്ജരെക്കർ എന്നിവരാണ് 4 കൊച്ചു റൊമാന്റിക് ത്രില്ലറുകൾ സംവിധാനം ചെയ്തിരിക്കുന്നത്. പ്രിയദർശന്റെ സാന്നിധ്യം മൂലം സൗത്ത് ഇന്ത്യ ഒട്ടാകെ ചിത്രം ചർച്ചയായിരിക്കുകയാണ്. ഫോർബിഡൻ ലൗവ് എന്ന ചിത്രത്തിന്റെ ട്രെയ്‌ലർ സമൂഹ മാധ്യമങ്ങളിൽ ഏറെ ശ്രദ്ധ നേടുകയാണ്.
4 സിനിമകളിലും സ്ത്രീകൾക്കാണ് സംവിധായകർ പ്രാധാന്യം നൽകിയിരിക്കുന്നത്. ഒരു സ്ത്രീയ്ക്ക് തന്റെ ജീവിതത്തിൽ അനുഭവപ്പെടാൻ സാധ്യതയുള്ള 4 ജീവിത സാഹചര്യമാണ് 4 ചിത്രങ്ങളിൽ ഒരുക്കിയിരിക്കുന്നത്. സീ 5 ഒർജിനൽസിന്റെ വെബ് സൈറ്റിലാണ് ചിത്രം പ്രദർശനത്തിന് എത്തുന്നത്. ചാപ്റ്റർ 1 ലെ ആദ്യ രണ്ട് സിനിമകൾ ഇതിനോടകം പുറത്ത് ഇറങ്ങി. അറേഞ്ച്ഡ് മര്യാജ്, അനാമിക എന്നീ ചിത്രങ്ങൾ സീ 5 ൽ റിലീസ് ആയിരിക്കുകയാണ്. പ്രിയദർശൻ ചിത്രമായ അനാമികയ്ക്ക് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. കമൽ ഹാസൻ ചിത്രമായ വിശ്വരൂപത്തിലൂടെ ശ്രദ്ധേയയായ പൂജ കുമാറാണ് പ്രിയദർശൻ ചിത്രത്തിൽ നായിക വേഷം കൈകാര്യം ചെയ്തിരിക്കുന്നത്. റൂൾസ് ഓഫ് ഗെയിം, ദി ഫൈനൽസ് എന്നീ ചിത്രങ്ങളുടെ റിലീസിന് വേണ്ടിയാണ് സിനിമ പ്രേമികൾ കാത്തിരിക്കുന്നത്.
