മലയാളികളുടെ കുഞ്ഞിക്ക ആയ ദുൽഖർ സൽമാൻ മലയാളത്തിന്റെ യൂത്ത് സ്റ്റൈൽ ഐക്കൺ കൂടിയാണ്. അതുകൊണ്ടു തന്നെ ദുൽഖർ സൽമാനുമായി ബന്ധപെട്ടു എന്ത് തന്നെ വന്നാലും അത് സോഷ്യൽ മീഡിയയിൽ വൈറൽ ആവും. ഇപ്പോഴിതാ ദുൽഖറുമായി ബന്ധപ്പെട്ട ഒരു വീഡിയോ ആണ് സോഷ്യൽ മീഡിയ പ്ലാറ്റുഫോമുകളിൽ ഏറെ ട്രെൻഡിങ് ആവുന്നത്. ദുൽഖർ സൽമാനും ഭാര്യ അമാൽ സൂഫിയയും ഒരുമിച്ചു ഒരു വേദിയിൽ നൃത്തം ചെയ്യുന്ന വീഡിയോ ആണത്. ഏതോ ഫാമിലി ഫങ്ക്ഷനിൽ വെച്ചാണ് ദുൽക്കറും ഭാര്യയും ചടുലമായ നൃത്ത ചുവടുകളുമായി ഏവരുടെയും മനം കവരുന്നത്. ഏതായാലും ഈ വീഡിയോ ദുൽഖർ ആരാധകരും സിനിമാ പ്രേമികളും ഒരുപോലെ ഏറ്റെടുത്തു കഴിഞ്ഞു.
നവാഗതനായ ബി സി നൗഫൽ ഒരുക്കിയ ഒരു യമണ്ടൻ പ്രേമകഥയാണ് ദുൽഖർ സൽമാന്റെ അടുത്ത റിലീസ്. വിഷ്ണു ഉണ്ണികൃഷ്ണൻ – ബിബിൻ ജോർജ് ടീം തിരക്കഥ ഒരുക്കിയ ഈ ചിത്രം അടുത്ത മാസം അവസാനത്തോടെ റിലീസ് ചെയ്യാൻ ആണ് പ്ലാൻ. ഏകദേശം ഒന്നര വർഷത്തെ ഇടവേളയ്ക്കു ശേഷമാണു ഒരു മലയാള ചിത്രവുമായി ദുൽഖർ സൽമാൻ എത്തുന്നത്. ദ്വിഭാഷാ ചിത്രമായി റിലീസ് ചെയ്ത സോളോ ആയിരുന്നു മലയാളത്തിൽ റിലീസ് ചെയ്ത അവസാനത്തെ ദുൽകർ ചിത്രം. അതിനു ശേഷം മഹാനടി എന്ന തെലുങ്കു ചിത്രവും കാർവാൻ എന്ന ഹിന്ദി ചിത്രവുമാണ്
ദുൽഖറിന്റേതായി നമ്മുടെ മുന്നിൽ എത്തിയത്. ഇപ്പോൾ രണ്ടു തമിഴ് ചിത്രവും ഒരു ഹിന്ദി ചിത്രവും അഭിനയിച്ചു പൂർത്തിയാക്കിയിരിക്കുകയാണ് ദുൽഖർ. ശ്രീനാഥ് രാജേന്ദ്രൻ ഒരുക്കാൻ പോകുന്ന കുറുപ്പ് എന്ന ചിത്രമായിരിക്കും ദുൽഖറിന്റെ അടുത്ത മലയാള ചിത്രം.
https://www.instagram.com/p/BvGMQ_3AERs/?utm_source=ig_share_sheet&igshid=eftpa9z9t894&fbclid=IwAR2tDOc9dsNyWZOnQxzXCQ9dkzi2n8fe3HyOCAGzqZ9mHyN3m8pAxG1YJvM
