മലയാളത്തിലെ പ്രശസ്ത നടി മംമ്ത മോഹൻദാസിന്റെ പുതിയ ഫോട്ടോഷൂട്ട് വീഡിയോ ആണ് ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നത്. വളരെ ഗ്ലാമറസ് ആയാണ് മംമ്ത ഈ പുതിയ ഫോട്ടോഷൂട്ടിൽ പ്രത്യക്ഷപ്പെട്ടിരിക്കുന്നത് എന്നത് തന്നെയാണ് അതിനു കാരണം. വളരെ മോഡേണായി എപ്പോഴും പ്രത്യക്ഷപ്പെടാറുള്ള മംമ്തയുടെ ഈ പുതിയ ഫോട്ടോഷൂട്ട് ഒരു മാസികയുടെ കവർ ചിത്രങ്ങൾക്ക് വേണ്ടിയായിരുന്നു. ഫോട്ടോഗ്രാഫർ അരുൺ മാത്യു ചിത്രങ്ങൾ പകർത്തിയപ്പോൾ ഈ ഫോട്ടോഷൂട്ടിനു വേണ്ടിമംമ്തയ്ക്ക് മേക്കപ്പ് ചെയ്തത് വികാസ് വി.കെ.എസ് ആണ്. ഹഫ് മാഗസിന് വേണ്ടിയാണു മംമ്ത ഈ ഗ്ലാമർ ഫോട്ടോഷൂട്ട് നടത്തിയത്. കുറച്ചു ദിവസങ്ങൾക്കു മുൻപ് മംമ്തയുടെ മറ്റൊരു വീഡിയോ കൂടി സോഷ്യൽ മീഡിയയിൽ വൈറലായിരുന്നു. ഒരു ഹാർലി ഡേവിസൺ ബൈക്കിൽ മംമ്ത ചുറ്റിയടിക്കുന്ന വീഡിയോ ആയിരുന്നു അത്.
ഏറെ നാളിനു ശേഷം ബൈക്ക് റൈഡ് ചെയ്യുന്നതിന്റെ സന്തോഷം പങ്കു വെച്ച് കൊണ്ട് മംമ്ത തന്നെയാണ് ആ വീഡിയോ പങ്കു വെച്ചത്. മയൂഖം എന്ന ഹരിഹരൻ ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച ഈ നടി പിന്നീട് മറ്റു തെന്നിന്ത്യൻ ഭാഷകളിലും നായികയായി അഭിനയിച്ചു. മലയാളത്തിലെ സൂപ്പർ താരങ്ങളായ മോഹൻലാൽ, മമ്മൂട്ടി, ദിലീപ്, സുരേഷ് ഗോപി എന്നിവർക്കൊക്കെയൊപ്പം അഭിനയിച്ചിട്ടുള്ള മംമ്ത മോഹൻദാസ് ഒരു മികച്ച ഗായിക കൂടിയാണ്. മംമ്ത പാടിയ ഒട്ടേറെ ഗാനങ്ങൾ വലിയ ഹിറ്റുകളായി മാറിയിട്ടുണ്ട്. ലാൽ ബാഗ്, രാമ സേതു, ബിലാൽ, മ്യാവു, ഭ്രമം, ജൂതൻ, അപ്പോസ്തലൻ, അൺലോക്ക്, ഊമെയ്‌ മിഴികൾ, എനിമി തുടങ്ങിയ ചിത്രങ്ങളാണ് മംമ്ത അഭിനയിച്ചു ഇനി മലയാളം, തമിഴ് ഭാഷകളിൽ എത്താനുള്ള ചിത്രങ്ങൾ.
