ദളപതി വിജയ്‌യും മക്കൾ സെൽവൻ വിജയ് സേതുപതിയും പ്രധാന വേഷങ്ങൾ ചെയ്ത മാസ്റ്റർ എന്ന ചിത്രം മികച്ച പ്രേക്ഷക പ്രതികരണം നേടി വലിയ വിജയത്തിലേക്കാണ് കുതിക്കുന്നത്. ലോകേഷ് കനകരാജ് സംവിധാനം ചെയ്ത ഈ ചിത്രം കോവിഡ് പ്രോട്ടോകോൾ പാലിച്ചാണ് റിലീസ് ചെയ്തത് എങ്കിലും ഗംഭീര കളക്ഷൻ ആണ് നേടുന്നത്. ആഗോള കളക്ഷൻ ആയി ഈ ചിത്രം ഇതുവരെ നൂറു കോടിയോളം രൂപ നേടിയെന്നുള്ള അനൗദ്യോഗിക റിപ്പോർട്ടുകളും വരുന്നുണ്ട്. എന്നാൽ ഇപ്പോൾ സോഷ്യൽ മീഡിയയിൽ വൈറലായി മാറുന്നത് ദളപതി വിജയ് ഈ ചിത്രം കാണാൻ തീയേറ്ററിൽ വന്ന ഒരു വീഡിയോ ആണ്. ആരാധകർക്കൊപ്പം ചിത്രം കാണാൻ ചെന്നൈ ദേവി തീയേറ്ററിലാണ് ദളപതി വിജയ് എത്തിയത്. ആരാധകർക്കൊപ്പം ചിത്രം ആദ്യ ദിനം ആദ്യ ഷോ തന്നെ കാണാനെത്തിയ വിജയ് തീയേറ്റർ ജീവനക്കാരുമായി സംവദിക്കുന്ന വീഡിയോ ആണ് പുറത്തു വന്നിരിക്കുന്നത്. ഏതായാലൂം ദളപതി ആരാധകർ ഏറെ ആഘോഷപൂർവമാണ് ഈ വീഡിയോ ഏറ്റെടുത്തിരിക്കുന്നത്.
ജെ ഡി എന്ന കോളേജ് പ്രൊഫസ്സർ ആയി വിജയ് അഭിനയിച്ചിരിക്കുന്ന ഈ ചിത്രത്തിൽ ഭവാനി എന്ന് പേരുള്ള വില്ലൻ ആയാണ് വിജയ് സേതുപതി അഭിനയിച്ചിരിക്കുന്നത്. സംവിധായകൻ ലോകേഷും രത്ന കുമാറും ചേർന്ന് രചിച്ച ഈ ചിത്രത്തിൽ ശന്തനു ഭാഗ്യരാജ്, മാളവിക മോഹനൻ, ഗൗരി കിഷൻ, അർജുൻ ദാസ്, ആൻഡ്രിയ, ശ്രീമാൻ, പ്രേം, സഞ്ജീവ്, ശ്രീനാഥ്, രമ്യ സുബ്രമണ്യൻ, രമേശ് തിലക് എന്നിവരും അഭിനയിക്കുന്നുണ്ട്. അനിരുദ്ധ് രവിചന്ദർ സംഗീതം പകർന്നിരിക്കുന്ന ഈ ചിത്രം എക്‌സ് ബി ക്രിയേഷൻസിന്റെ ബാനറിൽ സേവ്യർ ബ്രിട്ടോ ആണ് നിർമ്മിച്ചിരിക്കുന്നത്.
#ThalapathyVijay visited Devi Theatre for watching #Master FDFS with fans ♥️ #Masterfilm @actorvijay @Dir_Lokesh @MrRathna @Jagadishbliss pic.twitter.com/lvv6YIKQKa
— #LEO (@LeoMovieOff) January 15, 2021
