യുവതാരങ്ങളെ അണിനിരത്തി നവാഗതനായ പ്രവീൺ രാജ് പൂക്കോടൻ സംവിധാനം ചെയ്യുന്ന ‘വെള്ളേപ്പം’ എന്ന പുതിയ ചിത്രത്തിലെ ആദ്യ ഗാനം പുറത്തിറങ്ങി. വിനീത് ശ്രീനിവാസനും എമി എഡ്വിനും ചേർന്ന് ആലപിച്ചിരിക്കുന്ന ഗാനത്തിന്റെ ലിറിക്കൽ വീഡിയോ ആണ് പുറത്തിറങ്ങിയിരിക്കുന്നത്. ആ നല്ല നാളിനി തുടരുമോ എന്ന് തുടങ്ങുന്ന ഗാനത്തിന്റെ ഈണം ചിട്ടപ്പെടുത്തിയിരിക്കുന്നത് എറിക് ജോൺസനാണ്. വരികൾ എഴുതിയിരിക്കുന്നത് ഡിനു മോഹൻ. യുവതാരനിരയിൽ ഏറ്റവും ശ്രദ്ധേയരായ അക്ഷയ് രാധാകൃഷ്ണനും നൂറിൻ ഷെരീഫുമാണ് ചിത്രത്തിൽ നായികാനായകന്മാരായി എത്തുന്നത്. പ്രണയത്തിനും സൗഹൃദത്തിനും വലിയ പ്രാധാന്യമുള്ള ചിത്രത്തിന്റെ പേര് ഇതിനോടകം സോഷ്യൽ വലിയ ശ്രദ്ധ നേടിയിരുന്നു. ചിത്രം നിർമ്മിക്കുന്നത് ബറോക്ക് ഫിലിംസിന്‍റെ ബാനറിൽ ജിൻസ് തോമസും ദ്വാരക് ഉദയശങ്കറും ചേർന്നാണ്. കഥയും തിരക്കഥും നവാഗതനായ ജീവൻ ലാൽ.
യൂട്യൂബിൽ റിലീസ് ചെയ്ത ഗാനത്തിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. പ്രണയത്തിന്റെയും വിരഹത്തിന്റെയും പ്രതീക്ഷയുടെയും ഒക്കെ അനുഭവം ഗാനം പങ്കുവയ്ക്കുന്നു. ചിത്രം റിലീസ് ചെയ്യുന്നതിനു മുമ്പ് തന്നെ ഗാനം വലിയ രീതിയിൽ ശ്രദ്ധിക്കപ്പെടും എന്ന് തന്നെയാണ് എവരും പ്രതീക്ഷിക്കുന്നത്.
