തമിഴ് സിനിമ ലോകം മാത്രമല്ല ഇന്ത്യന്‍ സിനിമ ലോകം മുഴുവന്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് എന്തിരന്‍ 2 അഥവാ 2.0. സൂപ്പര്‍ സ്റ്റാര്‍ രജനികാന്തും ബോളിവുഡ് സൂപ്പര്‍ താരം അക്ഷയ് കുമാറുമാണ് ചിത്രത്തില്‍ പ്രധാന വേഷത്തില്‍ എത്തുന്നത്.
ചിത്രത്തിന്‍റെ മേക്കിങ് വീഡിയോ സംവിധായകന്‍ ശങ്കര്‍ തന്നെ പുറത്ത് വിട്ടു. ഈ ബ്രഹ്മാണ്ഡ ചിത്രം ഒരുക്കുന്നതിന്‍റെ ക്ലിപ്പുകളാണ് 2 മിനിറ്റോളം നീളുന്ന വീഡിയോയില്‍ ഉള്ളത്.
ബാഹുബലിയെക്കാളും വലിയ സിനിമയായാണ് എന്തിരന്‍ 2 ഒരുങ്ങുന്നത്. എസ് എസ് രാജമൌലിയുടെ ബാഹുബലി സീരിയസോടെ ഷങ്കറിന് ഇന്ത്യന്‍ സിനിമയുടെ ഷോ മാന്‍ എന്ന വിശേഷണം നഷ്ടമായിരുന്നു. അത് കൊണ്ട് തന്നെ ബാഹുബലിയുടെ മുകളില്‍ നില്‍ക്കുന്ന ഒരു ചിത്രം ഒരുക്കാന്‍ തീരുമാനിച്ച് തന്നെയാണ് ഷങ്കര്‍ എന്തിരന്‍ 2 ആരംഭിച്ചത്.
ലൈക്ക പ്രൊഡക്ഷന്‍സിന്‍റെ ബാനറില്‍ ഒരുങ്ങുന്ന ഈ ചിത്രത്തിന് ഏകദേശം 400 കോടിയാണ് ബഡ്ജറ്റായി കേള്‍ക്കുന്നത്. എ ആര്‍ റഹ്മാനാണ് ചിത്രത്തിന് വേണ്ടി ഗാനങ്ങള്‍ ഒരുക്കുന്നത്.
എന്തിരനില്‍ ഐശ്വര്യ റായി നായികയായപ്പോള്‍ ആമി ജാക്സണ്‍ ആണ് രണ്ടാം ഭാഗത്തില്‍ നായികയാകുന്നത്.
