ബ്ലോക്ബസ്‌റ്റർ ഹിറ്റായ കല്യാണി പ്രിയദർശൻ – ഡൊമിനിക് അരുൺ ചിത്രം “ലോക” യുടെ രണ്ടാം ഭാഗത്തിൽ ടോവിനോ തോമസ് നായകനായി എത്തും. ചിത്രത്തിൻ്റെ നിർമ്മാതാവ് ആയ ദുൽഖർ സൽമാൻ തന്നെയാണ് ചിത്രത്തിൻ്റെ പ്രമോഷൻ ഇവൻ്റിൽ ഈ കാര്യം സ്ഥിരീകരിച്ചത്. ലോകയിൽ ടോവിനോ, ദുൽഖർ, സണ്ണി വെയ്ൻ തുടങ്ങി അതിഥി താരങ്ങളുടെ ഒരു നീണ്ട നിര തന്നെയുണ്ട്. ടോവിനോ നായകനായ രണ്ടാം ഭാഗത്തിൽ മറ്റുള്ളവരും അതിഥി വേഷങ്ങളിൽ എത്തുമെന്നും ദുൽഖർ പറഞ്ഞു. ചാത്തൻ എന്ന കഥാപാത്രത്തിൽ നിന്ന് പ്രചോദനം ഉൾക്കൊണ്ടാണ് ഇതിലെ ടോവിനോ കഥാപാത്രം ഒരുക്കിയിരിക്കുന്നത് എന്നാണ് സൂചന. 5 ഭാഗങ്ങൾ ഉള്ള ഒരു സൂപ്പർ ഹീറോ സിനിമാറ്റിക് യൂണിവേഴ്‌സിൻ്റെ ആദ്യ ഭാഗമാണ് ലോക. നസ്ലൻ, ചന്തു സലിം കുമാർ, അരുൺ കുര്യൻ, വിജയ രാഘവൻ, നിഷാന്ത് സാഗർ എന്നിവരും ലോകയുടെ താരനിരയിൽ ഉണ്ട്. വേഫെറർ ഫിലിംസ് നിർമ്മിച്ച ചിത്രം ഇപ്പൊൾ 150 കോടി ആഗോള കളക്ഷൻ നേടി കുതിക്കുകയാണ്.
Tovino Thomas to play the lead in Lokah Sequel
