നവാഗതനായ രവി നീലക്കുഡിതി സംവിധാനം ചെയ്യുന്ന തെലുങ്ക് ചിത്രത്തിൽ ദുൽഖർ സൽമാൻ്റെ നായികയായി പൂജ ഹെഗ്ഡെ. ആദ്യമായാണ് ഇവർ ഇരുവരും ഒന്നിച്ചെത്തുന്നത്. തെലുങ്കിന് പുറമെ തമിഴ്, മലയാളം, കന്നഡ, ഹിന്ദി ഭാഷകളിലും എത്തുന്ന സിനിമയുടെ നിര്‍മ്മാണം എസ്എല്‍വി സിനിമാസിന്‍റെ ബാനറില്‍ സുധാകര്‍ ചെറുകുറിയാണ്. ദുല്‍ഖറിന്‍റെ കരിയറിലെ 41-ാം ചിത്രമായാണ് ഇത് ഒരുങ്ങുന്നത്. ജി വി പ്രകാശ് കുമാർ ആണ് ചിത്രത്തിന് സംഗീതം ഒരുക്കുന്നത്. അനയ് ഗോസ്വാമിയാണ് ചിത്രത്തിന്റെ ഛായാഗ്രഹണം. അവിനാഷ് കൊല്ല ആണ് ചിത്രത്തിന്റെ പ്രൊഡക്ഷന്‍ ഡിസൈനര്‍. എസ്എല്‍വി സിനിമാസിന്‍റെ നിര്‍മ്മാണത്തില്‍ എത്തുന്ന പത്താമത്തെ ചിത്രമാണിത്. ഒരു റൊമാൻ്റിക് ഡ്രാമ ആയാണ് ചിത്രം ഒരുങ്ങുന്നത് എന്നാണ് സൂചന. ചിത്രത്തിന്റെ മേക്കിങ് വീഡിയോയും അണിയറ പ്രവർത്തകർ പുറത്ത് വിട്ടിട്ടുണ്ട്. ദുൽഖർ നായകനായി എത്തുന്ന അഞ്ചാമത്തെ തെലുങ്ക് ചിത്രമാണിത്.
