മോഹൻലാൽ നായകനായ “രാവണപ്രഭു” റീ റിലീസിലും തരംഗമാകുന്നു. 2001 ൽ റിലീസ് ചെയ്ത് ആ വർഷത്തെ മലയാളത്തിലെ ഇയർ ടോപ്പർ ആയ ഈ ബ്ലോക്ക്ബസ്റ്റർ ചിത്രം രണ്ടാം വരവിൽ ലിമിറ്റഡ് ഷോകൾ വെച്ച് കേരളത്തിൽ നിന്ന് ആദ്യ ദിനം നേടിയത് 70 ലക്ഷം ഗ്രോസ്. മോഹൻലാലിൻറെ തന്നെ സ്ഫടികം റീ റിലീസ് ആണ് ഈ ലിസ്റ്റിൽ മുന്നിൽ. 88 ലക്ഷമാണ് സ്ഫടികം റീ റിലീസ് നേടിയ ആദ്യ ദിന കേരളാ ഗ്രോസ്. 50 ലക്ഷം ആദ്യ ദിനം നേടിയ മണിച്ചിത്രത്താഴ്, 37 ലക്ഷം നേടിയ ഛോട്ടാ മുംബൈ, 30 ലക്ഷം നേടിയ ദേവദൂതൻ എന്നിവയാണ് ഈ ലിസ്റ്റിലെ മറ്റു മൂന്നു ചിത്രങ്ങൾ. മലയാളത്തിൽ റീ റിലീസ് ചെയ്തവയിൽ മോഹൻലാൽ ചിത്രങ്ങൾ മാത്രമേ തീയേറ്ററുകളിൽ വിജയം നേടിയിട്ടുള്ളു എന്നതും എടുത്തു പറയണം. “രാവണപ്രഭു” റീ റിലീസ് പതിപ്പ് ആദ്യ ദിനത്തെക്കാൾ മികച്ച ബുക്കിങ്ങുമായി രണ്ടാം ദിനവും ബോക്സ് ഓഫീസിൽ ആഞ്ഞടിക്കുകയാണ്.
Mohanlal’s Ravanaprabhu re release opens big at Kerala Box Office
