മെഗാ സ്റ്റാർ മമ്മൂട്ടിയെ നായകനാക്കി എസ് എൻ സ്വാമി രചിച്ച്, കെ മധു സംവിധാനം ചെയ്ത ചിത്രമാണ് സിബിഐ 5 ദി ബ്രെയിൻ. വലിയ പ്രേക്ഷക പ്രതീക്ഷകൾക്ക് നടുവിൽ തീയേറ്ററുകളിലെത്തിയ ഈ ചിത്രം, സമ്മിശ്ര പ്രതികരണമാണ് നേടിയത്. ബോക്സ് ഓഫീസിലും നേട്ടമുണ്ടാക്കാൻ കഴിയാതെ പോയ ഈ ചിത്രം കഴിഞ്ഞ ദിവസമാണ് ഒറ്റിറ്റി റിലീസായി നെറ്റ്ഫ്ലിക്സിലെത്തിയത്. ഒറ്റിറ്റി റിലീസായ നിമിഷം മുതൽ ഒട്ടേറെ ട്രോളുകളാണ് ചിത്രത്തിന് ലഭിക്കുന്നത്. ചിത്രത്തിലെ കാസ്റ്റിങ് മുതൽ, കഥയും കഥാ സന്ദർഭങ്ങളും പ്രകടനങ്ങളുമൊക്കെ ട്രോളിന് വിധേയമായിക്കഴിഞ്ഞു. ഇപ്പോഴിതാ ഈ ചിത്രത്തെ വിമർശിച്ചുകൊണ്ട് മുന്നോട്ട് വന്നിരിക്കുന്നത് പ്രശസ്ത സാഹിത്യകാരനായ എൻ എസ് മാധവനാണ്. ചിത്രത്തിൽ ഒട്ടേറെ പ്രശ്നങ്ങൾളുണ്ടെന്നും അത് വളരേ വലുതാണെന്നും എൻ എസ് മാധവൻ പറയുന്നു.
തന്റെ ട്വിറ്റർ അക്കൗണ്ടിൽ അദ്ദേഹം കുറിച്ച വാക്കുകൾ ഇങ്ങനെ, ” സിബിഐ 5 ദി ബ്രെയിൻ എന്ന ചിത്രം നെറ്റ്ഫ്ലിക്സില്‍ കണ്ടു. നിത്യഹരിതനായ മമ്മൂട്ടിക്ക് കയ്യടി. എന്നാൽ സിനിമയിൽ ഏറെ പ്രശ്നങ്ങളുണ്ട്… വലുത് തന്നെയാണ്‌.. വൈഫൈയോ ബ്ലൂടൂത്തോ ഇല്ലാത്ത വിമാനത്തിനുള്ളില്‍ വച്ച് എങ്ങനെയാണ് കൊല്ലപ്പെട്ടയാളിന്റെ പേസ്മേക്കര്‍ കൊലയാളി ഹാക്ക് ചെയ്യുന്നത്? സാങ്കേതികവിദ്യയെക്കുറിച്ച് ഒട്ടും ധാരണകളില്ലാതെയാണ് ഈ സിനിമ ഒരുക്കിയിരിക്കുന്നത്”. പ്രശസ്തമായ സിബിഐ സീരീസിലെ അഞ്ചാം ചിത്രമായ സിബിഐ 5 ദി ബ്രെയിൻ നിർമ്മിച്ചത് സ്വർഗചിത്രയുടെ ബാനറിൽ അപ്പച്ചനാണ്. മമ്മൂട്ടിക്കൊപ്പം രഞ്ജി പണിക്കർ, അനൂപ് മേനോൻ, രമേശ് പിഷാരടി, സായ് കുമാർ, ആശ ശരത്, പ്രശാന്ത് അലക്സാണ്ടർ, സൗബിൻ ഷാഹിർ, ദിലീഷ് പോത്തൻ, ജഗതി ശ്രീകുമാർ, മുകേഷ് തുടങ്ങി ഒട്ടേറെ പേർ ഈ ചിത്രത്തിന്റെ താരനിരയിലുണ്ട്.
Watched ‘CBI 5: The Brain’ on Netflix. Hat-tip to the evergreen Mammooty! But problems are there; big ones! From inside a flight, with no Wi-Fi or Bluetooth, how did the killer hack the pacemaker of the victim? The film falls flat on information technology 👩💻 pic.twitter.com/DM5i7Mxyv3
— N.S. Madhavan (@NSMlive) June 12, 2022
