പ്രശസ്ത മലയാള താരം കുഞ്ചാക്കോ ബോബൻ നായകനായെത്തുന്ന ഏറ്റവും പുതിയ ചിത്രമാണ് എന്നാ താൻ കേസ് കൊട്. ആൻഡ്രോയിഡ് കുഞ്ഞപ്പൻ, കനകം കാമിനി കലഹം എന്നീ സിനിമകൾക്കു ശേഷം രതീഷ് പൊതുവാൾ സംവിധാനം ചെയ്യുന്ന ഈ ചിത്രം അധികം വൈകാതെ തന്നെ തീയേറ്ററുകളിലെത്തുമെന്നാണ് സൂചന. സന്തോഷ് ടി കുരുവിളക്കൊപ്പം ചേർന്ന് ഉദയ പിക്ചേഴ്സ്, കുഞ്ചാക്കോ ബോബൻ പ്രൊഡക്ഷൻസ് എന്നിവയുടെ ബാനറിൽ കുഞ്ചാക്കോ ബോബൻ ഈ ചിത്രത്തിന്റെ സഹനിർമ്മാതാവ് കൂടിയായാണെത്തുന്നത്. ഈ ചിത്രത്തിലെ നായികാ വേഷം ചെയ്യുന്നത് പ്രശസ്ത തമിഴ് നടിയായ ഗായത്രി ശങ്കറാണ്. ഈ അടുത്തിടെ റിലീസ് ചെയ്തു മെഗാ വിജയം നേടിയ കമൽ ഹാസൻ- ലോകേഷ് കനകരാജ് ചിത്രം വിക്രത്തിൽ, ഫഹദ് ഫാസിലിന്റെ നായികയായഭിനയിച്ചു ശ്രദ്ധ നേടിയ നടിയാണ് ഗായത്രി ശങ്കർ. ഇതിലെ പ്രകടനത്തിന് വലിയ പ്രശംസയാണ് ഈ നടി നേടിയെടുത്തത്. ഇപ്പോഴിതാ, ഗായത്രി ശങ്കറിന് അഭിനന്ദനങ്ങൾ നൽകി കൊണ്ട് മുന്നോട്ടു വന്നിരിക്കുകയാണ് എന്നാ താൻ കേസ് കൊട് എന്ന ചിത്രത്തിന്റെ അണിയറ പ്രവർത്തകർ.
അതോടൊപ്പം ഈ ചിത്രത്തിലെ ഗായത്രി ശങ്കറിന്റെ ലുക്ക് പുറത്തു വിട്ട് കൊണ്ടുള്ള പോസ്റ്ററും അവർ പങ്കുവെച്ചിട്ടുണ്ട്. കൊഴുമ്മൽ രാജീവൻ അഥവാ അംബാസ്‌ രാജീവൻ എന്നാ കഥാപാത്രമായാണ് ഇതിൽ കുഞ്ചാക്കോ ബോബനഭിനയിച്ചിരിക്കുന്നത്. ഹിന്ദി ചിത്രം ഷെർണിക്ക് ക്യാമറ ചലിപ്പിച്ച രാകേഷ് ഹരിദാസ് കാമറ ചലിപ്പിക്കുന്ന ഈ ചിത്രം എഡിറ്റ് ചെയ്യുന്നത് മനോജ് കണ്ണോത്, ഇതിനു സംഗീതമൊരുക്കുന്നത് ഡോൺ വിൻസെന്റ് എന്നിവരാണ്. ബേസിൽ ജോസഫ്, ഉണ്ണിമായ എന്നിവരും പ്രധാന വേഷങ്ങൾ ചെയ്യുന്ന ഈ ചിത്രം കാസർഗോഡാണ് പ്രധാനമായും ഷൂട്ട് ചെയ്തത്. ഒറ്റ്, നീല വെളിച്ചം, അറിയിപ്പ്, എന്താടാ സജീ, പകലും പാതിരാവും, പദ്മിനി, ആറാം പാതിരാ, ഗർ, മറിയം ടൈലേഴ്സ് എന്നിവയൊക്കെയാണ് ഇത് കൂടാതെ കുഞ്ചാക്കോ ബോബന്റേതായി ഇനി വരാനുള്ള ചിത്രങ്ങൾ.
