പ്രശസ്ത യുവ താരം ആയ ഉണ്ണി മുകുന്ദൻ തന്റെ സിനിമകളുടെയും അഭിനയ മികവിന്റെയും പേരിൽ മാത്രമല്ല സോഷ്യൽ മീഡിയയിൽ നിറയുന്നത്. ഒട്ടേറെ ചാരിറ്റി വർക്കുകളിലൂടെയും സാമൂഹിക പ്രസക്തമായ വിഷയങ്ങളിൽ നടത്തുന്ന അർത്ഥവത്തായ പ്രതികരണങ്ങളിലൂടെയും ഉണ്ണി മുകുന്ദൻ സോഷ്യൽ മീഡിയയിൽ ശ്രദ്ധേയനാണ്. ഇപ്പോഴിതാ തന്റെ ജിം ട്രെയ്നറിന് പുതിയ ബൈക്ക് വാങ്ങി നൽകിയിരിക്കുകയാണ് ഉണ്ണി മുകുന്ദൻ. പുതിയ ബൈക്ക് ആയുള്ള ഉണ്ണിയുടെ ജിം ട്രെയിനർന്റെ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. ട്രെയ്നർ ആയ ജോൺസന് ഉണ്ണി നൽകിയ സർപ്രൈസ് ഓണസമ്മാനമാണ് ഈ ബൈക്ക്. ഈ ഓണത്തിന് തന്റെ സ്വീറ്റ് ബ്രദർ ഉണ്ണിയുടെ വക ഒരു കിടിലൻ സമ്മാനം എന്നാണ് ജോൺസൻ ഇതിനെ കുറിച്ചു പറയുന്നത്. ‘ചേട്ടാ, ദാ, ചേട്ടന് എന്റെ ഒരു ചെറിയ ഗിഫ്റ്റ്’ എന്നും പറഞ്ഞാണ് ഉണ്ണി മുകുന്ദൻ ഇത് സമ്മാനിച്ചത് എന്നും ജോൺസൻ പറയുന്നു.
മാമാങ്കം എന്ന സിനിമയിൽ തന്റെ ശരീരം ഏറ്റവും ഭംഗിയായി വന്നിട്ടുണ്ടെങ്കിൽ അതിന്റെ ക്രെഡിറ്റ് ജോണ്സണ് ചേട്ടന് ആണെന്നും ഈ ബൈക്ക് ഒന്നും അദ്ദേഹം തനിക്ക് ചെയ്ത് തന്ന സഹായത്തിനു പകരം ആവില്ലെന്നും ഉണ്ണി മുകുന്ദൻ പറയുന്നു. സ്വന്തം അനുജനെ പോലെയാണ് ജോൺസൺ ചേട്ടൻ തന്നെ പരിശീലിപ്പിക്കുകയും തനിക്ക് വേണ്ടി സമയം ചെലവഴിക്കുകയും ചെയ്തത് എന്നും ഉണ്ണി മുകുന്ദൻ പറയുന്നു. തന്റെ സമ്മാനം ജോണ്സണ് ചേട്ടന് ഇഷ്ട്ടപ്പെട്ടു എന്നറിഞ്ഞതിലും വലിയ സന്തോഷം ഉണ്ടെന്നും ഉണ്ണി മുകുന്ദൻ ഇൻസ്റ്റാഗ്രാം പോസ്റ്റിൽ കുറിച്ചു. മമ്മൂട്ടി നായകനായ മാമാങ്കം എന്ന ചിത്രത്തിൽ ഒരു യോദ്ധാവ് ആയാണ് ഉണ്ണി മുകുന്ദൻ അഭിനയിച്ചത്. ഈ ചിത്രത്തിലെ ഉണ്ണിയുടെ ലുക്ക് സോഷ്യൽ മീഡിയയിൽ വൈറൽ ആയി മാറിയിരുന്നു.
