സാഹസിക അഭ്യാസവുമായി ടോവിനോ. കുറഞ്ഞകാലം കൊണ്ട് തന്നെ പ്രേക്ഷകപ്രീതിയും വാണിജ്യ വിജയവും കൈവരിച്ച നടനാണ് ടോവിനോ ചുരുങ്ങിയ സമയത്തിനുള്ളിൽ ആരാധകരെ സൃഷ്ടിക്കുവാനും മികച്ച കഥാപാത്രങ്ങൾ അവതരിപ്പിക്കാനും അദ്ദേഹത്തിന് കഴിഞ്ഞു.എന്നാൽ കഴിഞ്ഞ ദിവസം താരം ചെയ്ത സാഹസിക പ്രവർത്തിയാണ് സോഷ്യൽ മീഡിയയിൽ എങ്ങും ചർച്ച. ഇന്നലെയാണ് താരം സാഹസികമായ രംഗങ്ങൾ ഇൻസ്റ്റാഗ്രാമിൽ ” Watching the world upside down ” എന്ന തലക്കെട്ടോടു കൂടി പങ്കുവെക്കുന്നത്. മധുപാൽ ചിത്രമായ ഒരു കുപ്രസിദ്ധ പയ്യന്റെ ലൊക്കേഷനിൽ നിന്നുമാണ് ഈ സാഹസിക കാഴ്ച്ച. ഷൂട്ടിങിനായി എത്തിച്ച ക്രെയിനുകളുടെ കൊളുത്തിൽ തൂങ്ങി തലകീഴായി നിന്നായിരുന്നു ടോവിനോയുടെ ഈ അഭ്യാസപ്രകടനം. സെറ്റിൽ ഉള്ളവരെയും ആരാധകരെയും അത്ഭുതത്തിലാഴ്ത്തിയ പ്രകടനമായിരുന്നു ഇത്. താരത്തിന്റെ മെയ്‌വഴക്കം പ്രകടമാക്കുന്ന ഒന്നായിരുന്നു അക്ഷരാർത്ഥത്തിൽ പ്രകടനം.
ഏറെ നിരൂപണ പ്രശംസയും അവാർഡുകളും നേടിയ ആഷിഖ് അബു ചിത്രമായ മായനദി ക്കും റിലീസ് അവാനിരിക്കുന്ന തീവണ്ടിക്കും ശേഷം ടോവിനോ ചെയ്യുന്ന ചിത്രമാണ് കുപ്രസിദ്ധ പയ്യൻ. കുപ്രസിദ്ധ പയ്യന്റെ ഷൂട്ടിങ് നടന്നു വരികയാണ് ചിത്രത്തിൽ അനു സിത്താര, നിമിഷ സജയൻ എന്നിവരാണ് നായികമാർ.
