വിജയിയെ നായകനാക്കി ലോകേഷ് കനഗരാജ് സംവിധാനം ചെയ്തിരിക്കുന്ന ചിത്രമാണ് മാസ്റ്റർ. ചിത്രത്തിന്റെ ഓഡിയോ ലോഞ്ച് അടുത്തിടെ ലൈവ് ടൈലികാസ്റ്റായി നടത്തുകയുണ്ടായി. അനിരുദ്ധാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. എല്ലാ ഗാനങ്ങളും ഒന്നിന് ഒന്ന് മികച്ചാണ് നിൽക്കുന്നത്. വാത്തി കമിങ്, വാത്തി റെയ്ഡ്, കുട്ടി സോങ് എന്നിവ യൂ ട്യൂബിങ് ഇപ്പോഴും ട്രെൻഡിങ് തന്നെയാണ്. മാസ്റ്ററിലെ പുതിയ ഗാനം അണിയറ പ്രവർത്തകർ യൂ ട്യൂബിൽ റിലീസ് ചെയ്തിരിക്കുകയാണ്. വിജയ് മാസ്റ്ററിൽ രണ്ട് ഗെറ്റപ്പുകളിലാണ് പ്രത്യക്ഷപ്പെട്ടുന്നതെന്ന് ലിറിക്കൽ ഗാനത്തിലൂടെ സൂചന നൽകിയിരിക്കുകയാണ്.
അപ്പ് ബീറ്റ് – ടെക്നോ റൊമാന്റിക് നമ്പർ എന്നാണ് ഗാനത്തിനെ വിശേഷിപ്പിച്ചിരിക്കുന്നത്. യുവാൻ ശങ്കർ രാജ ആലപിച്ച ‘അന്താ കണ്ണാ പാതാക്കാ’ എന്ന് തുടങ്ങുന്ന ഗാനമാണ് സമൂഹ മാധ്യമങ്ങളിൽ ശ്രദ്ധ നേടുന്നത്. വിഘ്‌നേശ് ശിവനാണ് ഗാനത്തിന് വേണ്ടി വരികൾ രചിച്ചിരിക്കുന്നത്. ഗാനത്തിന്റെ ലിറിക്കൽ വീഡിയോയിൽ ചിത്രത്തിലെ സ്റ്റില്ലുകൾ കാണാൻ സാധിക്കും. ചിത്രത്തിലെ എല്ലാ പോസ്റ്ററുകളിലും ഇതുവരെ താടിയുള്ള വിജയിയെയാണ് കാണാൻ സാധിച്ചത്. ലിറിക്കൽ സോങ്ങിലെ സ്റ്റില്ലുകളിൽ താടിയില്ലാത്ത വിജയുടെ ഗെറ്റപ്പ് പുറത്തുവിട്ടത് ആരാധകർക്ക് ഒരു സർപ്രൈസ് തന്നെയായിരുന്നു. വളരെ ചുരുങ്ങിയ സമയംകൊണ്ട് 3 ലക്ഷത്തോളം കാഴ്ചക്കാരെയാണ് ഗാനം ഇതിനോടകം സ്വന്തമാക്കിയത്. ചിത്രത്തിലെ മറ്റ് ഗാനങ്ങൾ വൈകാതെ തന്നെ പുറത്തുവിടും. മലയാളി താരം മാളവിക മോഹനനാണ് ചിത്രത്തിൽ നായിക വേഷം കൈകാര്യം ചെയ്തിരിക്കുന്നത്. പ്രതിനായക വേഷത്തിൽ തമിഴകത്തിന്റെ മക്കൾ സെൽവൻ വിജയ് സേതുപതിയും പ്രത്യക്ഷപ്പെട്ടുന്നുണ്ട്. ഏപ്രിൽ 9 ന് റിലീസ് ചെയ്യുവാൻ തീരുമാനിച്ച മാസ്റ്റർ കൊറോണ വൈറസിന്റെ കടന്ന് വരവ് മൂലം മാറ്റിവെച്ചിരിക്കുകയാണ്. പുതിയ റിലീസ് തിയതി വൈകാതെ തന്നെ അണിയറ പ്രവർത്തകർ പുറത്തുവിടും.
