ജനുവരി പത്തിന് തമിഴ് സിനിമാ ലോകം കാണാൻ പോകുന്നത് തമിഴ് സിനിമാ ചരിത്രത്തിലെ ഏറ്റവും വലിയ താര യുദ്ധങ്ങളിൽ ഒന്നാണ്. സൂപ്പർ സ്റ്റാർ രജനികാന്തിന്റെ മാസ്സ് ആക്ഷൻ ചിത്രമായ പേട്ടയും തമിഴ്‌നാടിന്റെ തല അജിത്തിന്റെ മാസ്സ് ഫാമിലി എന്റർടൈനറായ വിശ്വാസവും ഒരേ ദിവസം തീയേറ്ററുകളിൽ എത്താൻ പോവുകയാണ്. കാർത്തിക് സുബ്ബരാജ് രചിച്ചു സംവിധാനം ചെയ്ത പേട്ട വിന്റേജ് രജനികാന്ത് സ്റ്റൈൽ ആണ് പ്രേക്ഷകർക്ക് ഓഫർ ചെയ്യുന്നത്. ഒരു പക്കാ മാസ്സ് രജനികാന്ത് സ്റ്റൈൽ ചിത്രമായിരിക്കും പേട്ട എന്നും രജനിഫൈഡ് ആവാൻ റെഡി ആയിക്കൊള്ളാനുമാണ് അണിയറ പ്രവർത്തകർ ആരാധകരോടും സിനിമാ പ്രേമികളോടും പറയുന്നത്.
എന്നാൽ രണ്ടും കൽപ്പിച്ചു തന്നെയാണ് ശിവ വിശ്വാസം എന്ന ചിത്രവുമായി എത്തുന്നതും. തമിഴ്നാട് ഒരിക്കൽ കൂടി തലനാട് ആവുമെന്നാണ് അജിത് ആരാധകരും വിശ്വാസത്തിന്റെ അണിയറ പ്രവർത്തകരും അവകാശപ്പെടുന്നത്. തലൈവരും തലയും തമ്മിലുള്ള ബോക്സ് ഓഫീസ് യുദ്ധത്തിൽ ആര് ജയിക്കും എന്നറിയാൻ ഇനി അധികം ദിവസങ്ങൾ ഇല്ല. അഡ്വാൻസ് ബുക്കിങ്ങിൽ ഇപ്പോൾ തന്നെ ഈ ചിത്രങ്ങൾ തമിഴ് നാട്ടിൽ റെക്കോർഡുകൾ സൃഷ്ടിക്കുകയാണ്. ആരാധകർ ആണെങ്കിൽ വമ്പൻ ആവേശത്തോടെയാണ് ഈ ചിത്രങ്ങളെ സ്വീകരിക്കാൻ കാത്തിരിക്കുന്നത്. കേരളത്തിൽ പേട്ട എത്തിക്കുന്നത് യുവ സൂപ്പർ താരം പൃഥ്വിരാജ് സുകുമാരന്റെ നിർമ്മാണ- വിതരണ കമ്പനി ആണെങ്കിൽ ഇവിടെ വിശ്വാസം എത്തിക്കുന്നത് ടോമിച്ചൻ മുളകുപാടത്തിന്റെ മുളകുപാടം റിലീസ് ആണ്. വമ്പൻ റിലീസ് തന്നെയാണ് രണ്ടു ചിത്രങ്ങളും ലക്ഷ്യമിടുന്നത്. മക്കൾ സെൽവൻ വിജയ് സേതുപതിയുടെ സാന്നിധ്യം പേട്ടക്ക് അനുകൂലമായ ഘടകം ആണെങ്കിലും അജിത്തിന്റെ ഫാൻസ്‌ പവർ തന്നെയാണ് വിശ്വാസത്തിന്റെ പ്ലസ് പോയിന്റ്.
