തമിഴിലെ യുവ സൂപ്പർ താരങ്ങളിൽ ഒരാളായ ശിവകാർത്തികേയൻ നായകനായെത്തുന്ന ഏറ്റവും പുതിയ ചിത്രമാണ് പ്രിൻസ്. ഡോൺ എന്ന ചിത്രം നേടിയ മഹാവിജയത്തോടെ തമിഴിലെ പുതു തലമുറയിലെ ഏറ്റവും വലിയ താരമായി ശിവകാർത്തികേയൻ ഉയർന്നു കഴിഞ്ഞു. അത്കൊണ്ട് തന്നെ വലിയ പ്രതീക്ഷകളോടെയാണ് പ്രിൻസെന്ന ഈ ചിത്രം പ്രേക്ഷകർ കാത്തിരിക്കുന്നത്. ഇപ്പോഴിതാ ഈ ചിത്രത്തിന്റെ റിലീസ് പ്രഖ്യാപനവുമായി മുന്നോട്ടു വന്നിരിക്കുകയാണ് ചിത്രത്തിന്റെ അണിയറ പ്രവർത്തകർ. നേരത്തെ ഓഗസ്റ്റിൽ റിലീസ് ചെയ്യാൻ തീരുമാനിച്ചിരുന്ന ഈ ചിത്രം ഇനി ദീപാവലി റിലീസ് ആയാവും എത്തുകയെന്നാണ് പ്രഖ്യാപിച്ചിരിക്കുന്നത്. ഒരു റൊമാന്റിക് കോമഡി ചിത്രമായി ഒരുക്കിയിരിക്കുന്ന ഈ ചിത്രം തമിഴിലും തെലുങ്കിലും ഒരേ സമയം റിലീസ് ചെയ്യുമെന്നും അവർ പ്രഖ്യാപിച്ചിട്ടുണ്ട്.
വളരെ രസകരമായ ഒരു വീഡിയോ വഴിയാണ് ഇതിന്റെ റിലീസ് പ്രഖ്യാപിച്ചത്. ശിവകാർത്തികേയൻ, നടൻ സത്യരാജ്, സംവിധായകൻ അനുദീപ്, ഇതിലെ നായികാ വേഷം ചെയ്തിരിക്കുന്ന വിദേശ വനിതയായ മരിയ എന്നിവർ പങ്കെടുത്ത പൊട്ടിച്ചിരിപ്പിക്കുന്ന ഒരു സംഭാഷണ വീഡിയോ വഴിയാണ് ഇതിന്റെ റിലീസ് പ്രഖ്യാപിച്ചത്. ദീപാവലി റിലീസായി കാർത്തി ചിത്രം സർദാറും ഉണ്ടാവുമെന്നാണ് കൊണ്ട് ഒരു വലിയ ബോക്സ് ഓഫിസ് പോരാട്ടം തന്നെ ദീപാവലിക്ക് തമിഴ് സിനിമയിൽ കാണാൻ പറ്റും. എസ്‌ തമൻ സംഗീതമൊരുക്കിയ ഈ ചിത്രത്തിൽ ശിവകാർത്തികേയൻ ഒരു ടീച്ചറായാണ് എത്തുന്നതെന്നാണ് സൂചന. ഇതിലെ നായികാ വേഷം ചെയ്തിരിക്കുന്ന മരിയ ഉക്രേനിയൻ സ്വദേശിയാണ്. സുരേഷ് പ്രൊഡക്ഷൻസ് നിർമ്മിച്ചിരിക്കുന്ന ഈ ചിത്രം രചിച്ചതും സംവിധായകൻ അനുദീപ് തന്നെയാണ്. മനോജ് പരമഹംസ ക്യാമറ ചലിപ്പിച്ചിരിക്കുന്ന ഈ ചിത്രം എഡിറ്റ് ചെയ്യുന്നത് പ്രവീൺ കെ എൽ ആണ്.
#PrinceForDiwali 💥 here’s the official announcement video!🇮🇳🕊🇬🇧https://t.co/Bc849MvWP1#Sathyaraj sir @anudeepfilm #MariaRyaboshapka @MusicThaman @manojdft @Premgiamaren @Cinemainmygenes @SVCLLP @SureshProdns @ShanthiTalkies @Gopuram_Cinemas
— Sivakarthikeyan (@Siva_Kartikeyan) June 21, 2022
