അടുത്ത മാസം രണ്ടാം വാരത്തിൽ റിലീസിന് ഒരുങ്ങുന്ന ജിസ് ജോയ്- ആസിഫ് അലി ചിത്രമാണ് വിജയ് സൂപ്പറും പൗര്ണമിയും. ഈ ചിത്രത്തിന്റെ ട്രെയ്‌ലറും ഇതിലെ ആദ്യ ഗാനവും അതുപോലെ തന്നെ സൂപ്പർ കൂളായ പോസ്റ്ററുകളും എല്ലാം തന്നെ പ്രേക്ഷകരെ ഏറെ ആകർഷിച്ചു കഴിഞ്ഞു. ഇതിന്റെ ടീസറുകളും മികച്ച പ്രേക്ഷക ശ്രദ്ധയാണ് നേടിയെടുത്തത്. ഇപ്പോഴിതാ പ്രേക്ഷകർക്കുള്ള ഒരു ക്രിസ്മസ് സമ്മാനമായി ഈ ചിത്രത്തിന്റെ രണ്ടാമത്തെ ഗാനം കൂടി എത്തുകയാണ്. ഈ ഗാനം പാടിയിരിക്കുന്നത് വിനീത് ശ്രീനിവാസൻ, ആസിഫ് അലി, ബാലു വർഗീസ് എന്നിവർ ചേർന്നാണ്. പ്രിൻസ് ജോർജ് ആണ് ഈ ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത്. ഇവർ മൂവരും ആലപിക്കുന്നു എന്നറിഞ്ഞത് കൊണ്ട് തന്നെ ഗാനം റീലീസ്സ് ചെയ്യാൻ ഉള്ള കട്ട കാത്തിരിപ്പിൽ ആണ് പ്രേക്ഷകർ.
നാളെ വൈകുന്നേരം ഏഴു മണിക്കാണ് ഈ ഗാനം ഒഫീഷ്യൽ ആയി റിലീസ് ചെയ്യുക. മലയാളത്തിലെ ഇപ്പോഴത്തെ ഭാഗ്യ നായികയായ ഐശ്വര്യ ലക്ഷ്മിയാണ് ഇതിൽ ആസിഫ് അലിയുടെ നായികയായി എത്തുന്നത്. ഇവരെ കൂടാതെ ബാലു വർഗീസ്, ജോസഫ് അന്നംക്കുട്ടി , രഞ്ജി പണിക്കർ, സിദ്ദിഖ് , അജു വർഗീസ്, അലെൻസിയർ, ശാന്തി കൃഷ്ണ എന്നിവരും ഈ ചിത്രത്തിന്റെ ഭാഗമാണ്. ന്യൂ സൂര്യ ഫിലിമ്സിന്റെ ബാനറിൽ സുനിൽ എ കെ നിർമ്മിച്ചിരിക്കുന്ന ഈ ഫാമിലി എന്റെർറ്റൈനെർ രചിച്ചിരിക്കുന്നതും ജിസ് ജോയ് തന്നെയാണ്. ഈ ചിത്രത്തിന് ദൃശ്യങ്ങൾ ഒരുക്കിയത് റെനഡിവേയും പശ്ചാത്തല സംഗീതം ഒരുക്കിയിരിക്കുന്നത് ടീം ഫോർ മ്യൂസിക്‌സും ആണ്.
