രണ്ട് ദിവസം മുൻപാണ് പ്രേക്ഷകർ ഏറെ കാത്തിരുന്ന ഷാരൂഖ് ഖാൻ ചിത്രത്തിന്റെ ട്രൈലെർ റിലീസ് ചെയ്തത്. പത്താൻ എന്ന ഈ മാസ്സ് ആക്ഷൻ ചിത്രത്തിന്റെ ട്രെയിലറിന് വലിയ സ്വീകരണമാണ് ലഭിച്ചത്. ഗംഭീര ആക്ഷൻ രംഗങ്ങൾ കൊണ്ട് ട്രൈലെർ കട്ട് പ്രേക്ഷകരെ ഞെട്ടിച്ചു എങ്കിലും, ട്രെയിലറിലെ ചില സീനുകൾ വമ്പൻ ട്രോളിനും കാരണമായിട്ടുണ്ട്. അതിലൊരു സീൻ, നായകനായ ഷാരൂഖ് ഖാനും വില്ലനായ ജോൺ എബ്രഹാമും സ്വന്തം പുറകിൽ ജെറ്റ് പോലൊരു യന്ത്രവുമണിഞ്ഞു ആകാശത്ത് പറന്നു കൊണ്ട് നടത്തുന്ന സംഘട്ടനമാണ്. എന്നാൽ ആകാശത്ത്, കടുത്ത കാറ്റിനെതിരെ പറക്കുമ്പോഴും ഇരുവരുടെയും മുഖത്തു ഒരു കണ്ണട പോലുമില്ല എന്നതാണ് അതിന്റെ ഹൈലൈറ്റ്. ഇത്രയും വേഗത്തിൽ മുഖത്തിന് നേരെ കാറ്റടിക്കുമ്പോൾ ഒരു നിമിഷം പോലും നമ്മുടെ കണ്ണുകൾ തുറന്നു പിടിക്കാൻ പറ്റില്ലെന്നിരിക്കെ, ഇരുവരും തങ്ങളുടെ കണ്ണുകൾ പൂർണ്ണമായും തുറന്നു പിടിച്ചു പറക്കുന്നതാണ് ട്രോളിനു വിധേയമായത്.
At least wear glasses to make it look believable. At such speed you won’t be able to open your eyes. Made for the lowest common denominator. pic.twitter.com/wLk9LAJJBL
— Gabbar (@GabbbarSingh) January 10, 2023
സിനിമയുടെ ആക്ഷൻ ടീമിനും സംവിധായകനും കുറച്ചെങ്കിലും സാമാന്യ ബോധം ഉണ്ടായിരുന്നെങ്കിൽ, ഈ അതിഭാവുകത്വം നിറഞ്ഞ ആക്ഷൻ രംഗത്തിൽ ഏറ്റവും കുറഞ്ഞത് ഒരു കണ്ണട എങ്കിലും അഭിനയിക്കുന്നവർക്കു കൊടുത്തേനെ എന്നാണ് സോഷ്യൽ മീഡിയ നിരീക്ഷിക്കുന്നത്. വാർ എന്ന സൂപ്പർ മെഗാഹിറ്റ് ഹൃത്വിക് റോഷൻ- ടൈഗർ ഷെറോഫ് ചിത്രത്തിന് ശേഷം സിദ്ധാർഥ് ആനന്ദ് ഒരുക്കുന്ന ഈ മെഗാ മാസ്സ് ആക്ഷൻ ത്രില്ലർ ചിത്രം നിർമ്മിക്കുന്നത് യാഷ് രാജ് ഫിലിംസ് ആണ്. ജനുവരി 25 ന് റീലീസ് ചെയ്യാൻ പോകുന്ന ഈ ചിത്രത്തിൽ ദീപികാ പദുക്കോൺ ആണ് നായികാ വേഷം ചെയ്യുന്നത്.
