മലയാള സിനിമയിലെ ഏറ്റവും ശ്രദ്ധേയനായ യുവനടനാണ് പൃഥ്വിരാജ്. പൃഥ്വിരാജ് എന്ന വ്യക്തിയുടെ വിജയപരാജയങ്ങളിൽ എന്നും കൂടെ നിൽക്കുന്ന വ്യക്തിയാണ് സുപ്രിയ മേനോൻ. പൃഥ്വിരാജിന്റെ ഭാര്യ എന്ന നിലയിൽ ആദ്യം അറിയപ്പെട്ടിരുന്ന സുപ്രിയ ഇപ്പോൾ ഒരു നിർമ്മാതാവ് കൂടിയാണ്. ബി.ബി സി യുടെ ജേർണലിസ്റ്റായായിരുന്ന സുപ്രിയ പിന്നീട് ജോലി ഉപേക്ഷിക്കുകയായിരുന്നു. നല്ല സ്റ്റോറികൾ വരുമ്പോൾ ഇപ്പോളും ബി.ബി.സി യ്ക്ക് ഫ്രീലാൻസായി സ്റ്റോറിസ് എഴുതി കൊടുക്കാറുണ്ടെന്ന് സുപ്രിയ ഒരു അഭിമുഖത്തിൽ സൂചിപ്പിക്കുകയുണ്ടായി. ഇപ്പോൾ താൻ ഒരു നിർമ്മാതാവ് കൂടിയാണെന്നും രണ്ടും ഒരേ രീതിയിലുള്ള ജോലി ആണെന്ന് വിശ്വസിക്കുന്ന വ്യക്തിയാണ് താനെന്ന് സുപ്രിയ വ്യക്തമാക്കി. ജേർണലിസത്തിലെ പരിചയം തന്നെ സിനിമയിലും സഹായിച്ചിട്ടുണ്ടെന്നും കൂട്ടിച്ചേർത്തു.
ഒരു ഐ. എ. എസ് ക്കാരി ആവണമെന്നായിരുന്നു തന്റെ ആഗ്രഹമെന്ന് സുപ്രിയ അഭിമുഖത്തിൽ വെളിപ്പെടുത്തിയിരിക്കുകയാണ്. തനിക്ക് എല്ലാ കാര്യത്തിലും തന്റേതായ കാഴ്ചപ്പാടുണ്ടെന്നും ഒരു സിവിൽ സെർവന്റ് ആയാൽ അത് നടക്കില്ല എന്ന് തോന്നിയത് മൂലമാണ് ടി വി ജേർണലിസം ഇഷ്ടപ്പെടാൻ തുടങ്ങിയതെന്ന് സുപ്രിയ വ്യക്തമാക്കി. പിന്നീട് താൻ ഒരു ബോൾഡ് ആയതുകൊണ്ട് ജേർണലിസം തിരഞ്ഞെടുക്കുകയായിരുന്നു എന്ന് സുപ്രിയ പറയുകയുണ്ടായി. ഒരു ജേർണലിസ്റ്റിന് ആരുടെ എടുത്തും എന്തും ചോദിക്കാനുള്ള ലൈസൻസ് കൂടി ഉണ്ടെന്നും അതൊരു വലിയ കാര്യമല്ലേ എന്ന് ചോദിക്കുകയുണ്ടായി. സുപ്രിയയുടെ ജീവിതത്തിൽ ഏറ്റവുമധികം സ്വാധീനിച്ച സ്ത്രീ അമ്മയാണെന്നും തന്റെ സ്വപ്‍നങ്ങൾ എന്താണെന്ന് മനസിലാക്കി കൂടെ നിന്നവരാണ് തന്റെ അച്ഛനും അമ്മയും എന്ന് സുപ്രിയ കൂട്ടിച്ചേർത്തു. ഇന്ന് മലയാളത്തിലെ ഏറ്റവും മുൻനിര നിർമ്മാതാക്കളിൽ ഒരാളായി സുപ്രിയ മറിക്കൊണ്ടിരിക്കുകയാണ്.
