കെ ജി എഫ് സീരിസ് നിർമ്മിച്ചു ഇന്ത്യ മുഴുവൻ ശ്രദ്ധ നേടിയ കന്നഡ സിനിമാ നിർമ്മാതാക്കളാണ് ഹോംബാലെ ഫിലിംസ്. പ്രശാന്ത് നീൽ സംവിധാനം ചെയ്യുന്ന പ്രഭാസ് ചിത്രമായ സലാർ ഒരുക്കുന്നതും അവരാണ്. ഇപ്പോഴിതാ മറ്റൊരു പാൻ ഇന്ത്യൻ ചിത്രവുമായി വരികയാണ് ഹോംബാലെ ഫിലിംസ്. എന്നാൽ അതിന്റെ ഹൈലൈറ്റ് എന്തെന്നാൽ, ഈ ചിത്രം സംവിധാനം ചെയ്ത് ഇതിൽ നായകനായി അഭിനയിക്കുന്നത് മലയാളത്തിന്റെ യുവ സൂപ്പർ താരം പൃഥ്വിരാജ് സുകുമാരൻ ആണെന്നതാണ്. മലയാളത്തിൽ കൂടാതെ തമിഴ്, ഹിന്ദി, തെലുങ്കു, കന്നഡ ഭാഷകളിലും ഈ ചിത്രം പുറത്തു വരും. ടൈസൺ എന്ന് പേരിട്ടിരിക്കുന്ന ഈ ബിഗ് ബഡ്ജറ്റ് ആക്ഷൻ ചിത്രം രചിക്കുന്നത് മലയാളത്തിലെ പ്രശസ്ത രചയിതാവായ മുരളി ഗോപിയാണ്. കംപ്ലീറ്റ് ആക്ടർ മോഹൻലാൽ നായകനായ എംപുരാൻ എന്ന ചിത്രം പൂർത്തിയാക്കിയതിന് ശേഷമായിരിക്കും ടൈസൺ എന്ന ചിത്രത്തിന്റെ പ്രവർത്തനങ്ങളിലേക്കു പൃഥ്വിരാജ് കടക്കുക എന്നാണ് സൂചന. ഹോംബാലെ ഫിലിമ്സിന്റെ ബാനറിൽ വിജയ് കിരാഗേന്ദുർ ആണ് ഈ ചിത്രം നിർമിക്കുന്നത്.
മോഹൻലാൽ നായകനായ ബ്ലോക്ക്ബസ്റ്റർ ചിത്രം ലൂസിഫർ, മോഹൻലാൽ തന്നെ നായകനായ പാൻ ഇന്ത്യൻ സൂപ്പർ ഹിറ്റ് ബ്രോ ഡാഡി എന്നിവയാണ് ഇതിനു മുൻപ് പൃഥ്വിരാജ് സംവിധാനം ചെയ്ത ചിത്രങ്ങൾ. മോഹൻലാൽ തന്നെ നായകനായി എത്തുന്ന എംപുരാൻ, ലൂസിഫർ 3, ടൈസൺ എന്നിവയാണ് ഇനി പൃഥ്വിരാജ് സംവിധാനം ചെയ്യാൻ കമ്മിറ്റ് ചെയ്തിരിക്കുന്ന ചിത്രങ്ങൾ. ടൈസണിൽ കൂടാതെ എംപുരാൻ എന്ന ചിത്രത്തിലും പൃഥ്വിരാജ് അഭിനയിക്കും. ബ്ലെസ്സി ഒരുക്കുന്ന ആട് ജീവിതം പൂർത്തിയാക്കി തിരിച്ചെത്തുന്ന പൃഥ്വിരാജ്, ഇനി ചെയ്യാൻ പോകുന്ന ഷാജി കൈലാസിന്റെ കാപ്പ, ജയൻ നമ്പ്യാരുടെ വിലായതു ബുദ്ധ, പ്രശാന്ത് നീലിന്റെ സലാർ, ബിഗ് ബഡ്ജറ്റ് ചിത്രമായ കാളിയൻ എന്നിവയാണ്.
#TYSON
— Prithviraj Sukumaran (@PrithviOfficial) June 10, 2022
Presenting my 4th directorial, next after Empuraan – L2. With co creator Murali Gopy. This time with #HombaleFilms! Thank you #VijayKiragandur for the trust.@hombalefilms @VKiragandur @PrithviOfficial #muraligopy pic.twitter.com/CFmXohP9Fx
