മാസ്റ്റർ ഡയറക്ടർ മണി രത്‌നം സംവിധാനം ചെയ്ത, അദ്ദേഹത്തിന്റെ സ്വപ്ന ചിത്രമായ പൊന്നിയിൻ സെൽവൻ ഈ വരുന്ന സെപ്റ്റംബർ മാസം മുപ്പതിന് ആണ് റിലീസ് ചെയ്യാൻ പോകുന്നത്. രണ്ടു ഭാഗങ്ങളായി റിലീസ് ചെയ്യാൻ പോകുന്ന ഈ ചിത്രത്തിന്റെ ആദ്യ ഭാഗമാണ് ഈ സെപ്റ്റംബറിൽ എത്തുന്നത്. അതിനു മുന്നോടിയായി ഇതിന്റെ ആദ്യ ടീസർ ഉടൻ റിലീസ് ചെയ്യുമെന്ന സൂചനയാണ് ലഭിക്കുന്നത്. വരുന്ന ആഴ്ച പൊന്നിയിൻ സെൽവൻ അപ്‌ഡേറ്റ് വരുമെന്നറിയിക്കുന്ന വീഡിയോ ചിത്രത്തിൽ പ്രവർത്തിച്ചവർ പങ്കുവെച്ചിട്ടുണ്ട്. അഞ്ഞൂറ് കോടി മുതൽ മുടക്കിൽ നിർമ്മിച്ചിരിക്കുന്ന ഈ ചിത്രം, ലൈക്ക പ്രൊഡക്ഷൻസ്, മണി രത്‌നത്തിന്റെ മദ്രാസ് ടാകീസ് എന്നിവ ചേർന്നാണ് നിർമ്മിച്ചിരിക്കുന്നത്. പൊന്നിയിന്‍ സെല്‍വന്‍ ആദ്യഭാഗത്തിന്റെ ഒടിടി അവകാശം ആമസോണ്‍ പ്രൈം വീഡിയോ 125 കോടി രൂപയ്ക്കാണ് നേടിയതെന്ന് വാർത്തകൾ വന്നിരുന്നു.
കൽക്കി കൃഷ്ണമൂർത്തി എഴുതിയ അഞ്ചു ഭാഗങ്ങൾ ഉള്ള ബ്രഹ്മാണ്ഡ നോവൽ ആണ് പൊന്നിയിൻ സെൽവൻ. ഇതിനെ അടിസ്ഥാമാക്കി, സംവിധായകൻ മണി ര്തനത്തോടൊപ്പം ചേർന്ന് ഇളങ്കോ കുമാരവേലാണ് ഈ ചിത്രത്തിന്റെ തിരക്കഥയൊരുക്കിയത്. വിക്രം, ഐശ്വര്യ റായ്, ജയം രവി, കാർത്തി, തൃഷ എന്നിവർ പ്രധാന വേഷങ്ങൾ ചെയ്യുന്ന ഈ ചിത്രത്തിൽ, ഐശ്വര്യ ലക്ഷ്മി, ജയറാം, ലാൽ, ബാബു ആന്റണി, റിയാസ് ഖാന്‍, റഹ്മാന്‍, ശരത് കുമാർ, പാർത്ഥിപൻ, പ്രഭു, കിഷോർ, വിക്രം പ്രഭു, ശോഭിത, നിഴൽകൾ രവി, അർജുൻ ചിദംബരം, റഹ്മാൻ, മോഹൻ റാം എന്നിവരും അഭിനയിച്ചിട്ടുണ്ട്. എ ആർ റഹ്മാൻ സംഗീതമൊരുക്കുന്ന ഈ ചിത്രത്തിന് ക്യാമറ ചലിപ്പിച്ചത് രവി വർമ്മൻ, ഇത് എഡിറ്റ് ചെയ്യുന്നത് ശ്രീകർ പ്രസാദ് എന്നിവരാണ്.
Look out! Brace yourself.
— Lyca Productions (@LycaProductions) July 2, 2022
Get ready for an adventure.
The Cholas are coming! #PS1 🗡@madrastalkies_ #ManiRatnam pic.twitter.com/wdB0vc8oxQ
