ഇന്ന് മലയാള സിനിമാ പ്രേമികളും ആരാധകരും ഊണിലും ഉറക്കത്തിലുമെല്ലാം കാത്തിരിക്കുന്ന ഒറ്റ സിനിമയെ ഉള്ളു. അത് മലയാളത്തിന്റെ താര ചക്രവർത്തി മോഹൻലാൽ നായകനായി അഭിനയിച്ച ഒടിയൻ എന്ന ബിഗ് ബജറ്റ് ഫാന്റസി ത്രില്ലെർ ആണ്. ഇപ്പോൾ സോഷ്യൽ മീഡിയ നോക്കിയാലും സാധാരണ ജനങ്ങളുടെ ഇടയിലും സംസാര വിഷയം ഒടിയൻ ആണ്. ഒടിയൻ പ്രമോഷൻ ആരാധകർ പൊടിപൊടിക്കുകയാണ് എന്നും പറയാം. ചിത്രം റിലീസ് ചെയ്യാൻ ഇനിയും ഒരു മാസത്തിൽ അധികം ശേഷിക്കെ കേരളത്തിൽ മാത്രം ഇതിനോടകം 250 ഫാൻസ്‌ ഷോകൾ ആണ് ഉറപ്പായത്. അതിനൊപ്പം കേരളത്തിന് പുറത്തു ഗോവയിലും വിദേശ രാജ്യമായ പോളണ്ടിലും അടക്കം ഫാൻസ്‌ ഷോസ് ഉണ്ട്. ഇപ്പോൾ ലഭിക്കുന്ന വിവരം അനുസരിച്ചു ലോകം മുഴുവൻ ഒരേ ദിവസം റിലീസ് ചെയ്യുന്ന ആദ്യ മലയാള സിനിമയാവാൻ പോകുയാണ് ഒടിയൻ.
കേരളത്തിൽ റിലീസ് ചെയ്യുന്ന അന്ന് തന്നെ ഗൾഫിലും അമേരിക്കയിലും ബ്രിട്ടനിലും യൂറോപ്പിലും ഓസ്‌ട്രേലിയയിലും ഈ ചിത്രം റിലീസ് ചെയ്യും. ഇപ്പോൾ വരുന്ന വിവരം അനുസരിച്ചു ജപ്പാനിലും ഈ ചിത്രം അതേ ദിവസം തന്നെ റിലീസ് ചെയ്യും. സ്പേസ് ബോക്സ് ജപ്പാൻ എന്ന വിതരണക്കാരാണ് ഈ ചിത്രം ജപ്പാനിൽ റിലീസ് ചെയ്യുക. ഇതിനു മുൻപും മലയാള സിനിമകൾ ജപ്പാനിൽ റിലീസ് ചെയ്തിട്ടുണ്ട് എങ്കിലും അതൊക്കെ കേരളാ റിലീസ് കഴിഞ്ഞു മാസങ്ങൾ കഴിഞ്ഞായിരുന്നു. ആദ്യമായാണ് വേൾഡ് വൈഡ് റിലീസ് ആയി ഒരു മലയാള ചിത്രം എത്തുന്നത്. മലയാളം കണ്ട എക്കാലത്തെയും വലിയ താരം തന്നെ മലയാളം കണ്ട എക്കാലത്തെയും വലിയ റിലീസുമായി എത്തുകയാണ് ഈ വരുന്ന ഡിസംബർ പതിനാലിന്.
