സൗത്ത് ഇന്ത്യയിലെ ഇപ്പോഴത്തെ ഏറ്റവും വിലയേറിയ നായിക ആരാണെന്ന് ചോദിച്ചാൽ ഒറ്റ ഉത്തരമേ ഉള്ളൂ, നയൻതാര. സൂപ്പർ താരങ്ങൾ ഒഴിച്ചുള്ള തമിഴിലെ നായകന്മാരുടെ പടത്തിന്റെ ഓപ്പണിങ് തന്നെ നയൻതാര നായികയാകുന്ന സിനിമകൾക്ക് ലഭിക്കാറുണ്ട്.
തമിഴിലും തെലുങ്കിലുമുള്ള നയൻതാരയുടെ ആരാധകരുടെ എണ്ണവും വളരെ കൂടുതലാണ്. മറ്റൊരു നായികമാർക്കും നേടാൻ കഴിയാത്ത സ്റ്റാർഡമാണ് നയൻതാരയ്ക്ക് ഇപ്പോൾ ലഭിക്കുന്നത്. സൗത്ത് ഇന്ത്യയിലെ ലേഡി സൂപ്പർ സ്റ്റാർ എന്ന വിശേഷണവും നയൻതാരയ്ക്ക് സ്വന്തമാണ്.
ഒരു സിനിമയ്ക്ക് നയൻതാര വാങ്ങുന്ന പ്രതിഫലം എന്നത് ഇവിടെ ഒരു ദുൽക്കർ, നിവിൻ പോളി ചിത്രങ്ങൾ നിർമ്മിക്കാൻ ഉള്ള ബഡ്ജറ്റ് വരും. പുതിയ ചിത്രമായ സെയ് റായ്ക്ക് വേണ്ടി നയൻതാര വാങ്ങുന്നത് ആറര കോടിയാണ്.
തെലുങ്കിൽ മെഗാസ്റ്റാർ ചിരഞ്ജീവി നായകനാകുന്ന ഈ ബ്രഹ്മാണ്ഡചിത്രം നിർമ്മിക്കുന്നത് മകനും നടനുമായ രാം ചരൺ തേജയാണ്.
