തെന്നിന്ത്യൻ സിനിമയിലെ ഏറ്റവും മികച്ച നടിമാരിലൊരാളാണ് നദിയ മൊയ്തു. എൺപതുകളിൽ നായികാ വേഷങ്ങളിൽ തിളങ്ങി നിന്ന ഈ നടി പിന്നീട് അഭിനയത്തിൽ നിന്നൊരിടവേളയെടുത്തു. അതിനു ശേഷം എം കുമരൻ സണ്‍ ഓഫ് മഹാലക്ഷ്മി എന്ന തമിഴ് സിനിമയിലൂടെയാണ് ഈ നടി വലിയ തിരിച്ചു വരവ് നടത്തിയത്. മോഹൻ രാജ സംവിധാനം ചെയ്ത ഈ ചിത്രത്തിൽ ജയം രവിയുടെ അമ്മയായാണ് നദിയ മൊയ്തു അഭിനയിച്ചത്. ഈ ചിത്രത്തെ കുറിച്ചുള്ള ഓർമകൾ കുറച്ചു ദിവസങ്ങൾക്കു മുൻപ് ഈ നടി സോഷ്യൽ മീഡിയ വഴി പങ്കു വെച്ചിരുന്നു. ഇപ്പോഴിതാ തന്റെ മക്കൾക്കൊപ്പമുള്ള ഫോട്ടോകളാണ് നദിയ മൊയ്തു ആരാധകർക്കായി പങ്കു വെച്ചിരിക്കുന്നത്. ആ ഫോട്ടോകൾ കണ്ടുള്ള ആരാധകരുടെ കമന്റുകളും ഏറെ രസകരമാണ്.
സനം, ജന എന്നിങ്ങനെ രണ്ടു പെൺകുട്ടികളാണ് ഈ നടിക്കുള്ളത്. മക്കളെ പോലെ തന്നെ ചുറുചുറുക്കോടെയിരിക്കുന്ന നദിയയോട്, മക്കൾക്കൊപ്പമുള്ള ഫോട്ടോ കണ്ട് ആരാധകർ ചോദിക്കുന്നത് നിങ്ങൾ സഹോദരിമാരാണോ എന്നാണ്. ഈ പ്രായത്തിലും തന്റെ സൗന്ദര്യവും ആരോഗ്യവും കാത്തു സൂക്ഷിക്കുന്ന നടിയാണ് നദിയ മൊയ്തു. കഴിഞ്ഞ വർഷം കുടുംബത്തിനൊപ്പം ജപ്പാനിലേക്ക് നടത്തിയ യാത്രയുടെ ചിത്രങ്ങളും വിശേഷങ്ങളുമാണ് നദിയ സോഷ്യൽ മീഡിയ വഴി പങ്കു വെച്ചിരിക്കുന്നത്. മറക്കാനാവാത്ത ഒരു ഒത്തുകൂടലിന്റെ ഓർമകൾ എന്നു പറഞ്ഞു കൊണ്ടാണ് ഈ നടി ചിത്രങ്ങൾ പുറത്തു വിട്ടിരിക്കുന്നത്. 1988 ൽ വിവാഹം കഴിഞ്ഞ് കുടുംബജീവിതത്തിൽ ഒതുങ്ങികൂടിയ നദിയ പത്തുവർഷങ്ങളാണ് അഭിനയത്തിൽ നിന്നിടവേളയെടുത്തു മാറി നിന്നത്. ശിരീഷ് ഗോഡ്ബോലെ എന്നാണ് ഈ നടിയുടെ ഭർത്താവിന്റെ പേര്. ഇപ്പോൾ കുടുംബവുമായി ചെന്നൈയിലാണ് നദിയ ജീവിക്കുന്നത്.
https://www.instagram.com/p/B_CifU1DRC3/
