മലയാളത്തിന്റെ മഹാനടൻ കംപ്ലീറ്റ് ആക്ടർ മോഹൻലാൽ നായകനായി എത്തുന്ന ഏറ്റവും പുതിയ ചിത്രമായ മോൺസ്റ്റർ ഇന്ന് റിലീസ് ചെയ്യുകയാണ്. ഗൾഫിലൊഴികെ ബാക്കിയെല്ലായിടത്തും ആഗോള റിലീസായി എത്തുന്ന ഈ ചിത്രത്തിന് കേരളത്തിലും വമ്പൻ റിലീസാണ് ലഭിച്ചിരിക്കുന്നത്. പുലിമുരുകൻ എന്ന ഇൻഡസ്ട്രി ഹിറ്റ് ചിത്രത്തിന് ശേഷം മോഹൻലാൽ- വൈശാഖ് ടീമൊന്നിച്ച ഈ ചിത്രം രചിച്ചത് പുലിമുരുകൻ രചിച്ച ഉദയ കൃഷ്ണ തന്നെയാണ്. ചിത്രത്തിന്റെ തീയേറ്റർ ലിസ്റ്റ് ഇവിടെ ചേർക്കുന്നു. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം ഒരു ത്രില്ലറാണെന്ന സൂചനയാണ് ഇതിന്റെ ട്രൈലെർ നൽകുന്നത്. മോഹൻലാലിനൊപ്പം ജോണി ആന്റണി, കോട്ടയം രമേശ്, സുദേവ് നായർ, ഹണി റോസ്, ഗണേഷ് കുമാർ, സിദ്ദിഖ്, ലക്ഷ്മി മഞ്ചു, ലെന, ഇടവേള ബാബു തുടങ്ങി ഒരുപിടി പ്രശസ്ത താരങ്ങൾ ഈ ചിത്രത്തിൽ അണിനിരക്കുന്നുണ്ട്.
ഇതിലെ ഒരു ഗാനവും സൂപ്പർ ഹിറ്റായി മാറിയത് ചിത്രത്തെ കുറിച്ചുള്ള പ്രതീക്ഷകൾ വർധിപ്പിച്ചിട്ടുണ്ട്. തിരക്കഥയയുടെ മികവാണ് ഈ ചിത്രത്തിന്റെ ശ്കതി എന്നും ഹീറോയിസം നിറഞ്ഞ ഒരു ചിത്രമല്ല ഇതെന്നുമാണ് അണിയറ പ്രവർത്തകർ പറയുന്നത്. സതീഷ് കുറുപ്പ് ക്യാമറ ചലിപ്പിച്ചിരിക്കുന്ന ഈ ചിത്രത്തിന് എഡിറ്റിംഗ് നിർവഹിച്ചിരിക്കുന്നത് ഷമീർ മുഹമ്മദും സംഗീതമൊരുക്കിയത് ദീപക് ദേവുമാണ്. മലയാളത്തിൽ അധികം ചർച്ച ചെയ്യാത്ത ഒരു പ്രമേയമാണ് ഈ ചിത്രം ചർച്ച ചെയ്യുന്നതെന്നും, ഇത്തരം ചിത്രങ്ങളിൽ അഭിനയിക്കാൻ സാധിക്കുന്നത് അപൂർവ്വമായാണ് എന്നും മോഹൻലാൽ പറഞ്ഞിരുന്നു. അതുപോലെ തന്നെ പുലിമുരുകൻ പോലെ ഇതൊരു മാസ്സ് ചിത്രമല്ലെന്നും വളരെ പതിയെ പ്രേക്ഷകരെ ചിത്രത്തിലേക്ക് കൊണ്ട് വരുന്ന രീതിയിലാണ് ഇതിന്റെ കഥ പറയുന്നതെന്നും വൈശാഖ് വിശദീകരിച്ചിരുന്നു.
