തങ്ങളുടെ താരത്തിന്റെ പ്രിയപ്പെട്ട ചിത്രങ്ങൾ എത്തുന്നതിന് മുന്നോടിയായി പലപ്പോഴും ആദ്യമെത്തുന്നത് ഒരുപക്ഷെ ആരാധകർ ഒരുക്കിയ പോസ്റ്ററുകളായിരിക്കും. എന്നാൽ അത്തരത്തിൽ ഒരു ഫാൻ മെയ്ഡ് പോസ്റ്ററാണ് ഇന്ന് പുറത്ത് വന്നിരിക്കുന്നത്. പുറത്തിറങ്ങുന്ന ചിത്രം എന്നതിലുപരി തന്റെ പ്രിയ കഥാപാത്രമായ ഫിദൽ കാസ്‌ട്രോയെ മമ്മൂട്ടി എന്ന മഹാനടനിലേക്ക് പറിച്ചു നടുക എന്ന ശ്രമകരമായ ദൗത്യമാണ് സാനി യാസ് എന്ന ഡിസൈനർ ചെയ്തിരിക്കുന്നത്. എന്ത് തന്നെയായാലും ആരാധകന്റെ ഭാവനയിൽ പിറന്ന ഫിദൽ ഗംഭീരമായിരുന്നു എന്ന അഭിപ്രായമാണ് ഇതിനോടകം തന്നെ വന്നുകൊണ്ടിരിക്കുന്നത്. ഫിദൽ കാസ്ട്രോ എന്ന നേതാവിനോട് ചേർന്ന് കിടക്കുന്ന രൂപമാക്കി മമ്മൂട്ടിയെ മാറ്റുന്നതിൽ സാനി വിജയിച്ചു എന്ന് തന്നെ പറയാം.
designer Sani Yas
ഡിസൈനറായി ജോലി ചെയ്യുന്ന സാനി യാസ് ഒരു മമ്മൂട്ടി ആരാധകൻകൂടിയാണ് . ആരാധകർ ഏറെ കാത്തിരിക്കുന്ന മമ്മൂട്ടി ചിത്രങ്ങളുടെ തകർപ്പൻ ഫാൻ ഫാൻ മെയ്ഡ് പോസ്റ്ററുകൾ ഇറക്കി തുടങ്ങിയതോടെയാണ് സാനി തന്റേതായ ആരാധകരെ സൃഷ്ടിച്ചെടുത്തത്. പിന്നീട് ചിത്രങ്ങളുടെ ഒർജിനൽ പോസ്റ്ററുകൾ മറികടക്കുന്ന ഗംഭീര പോസ്റ്ററുകൾക്കായി ആരാധകരുടെ കാത്തിരിപ്പായിരുന്നു.
ആരാധകർ ആവേശപൂർവ്വം കൊണ്ടാടിയ നിരവധി പോസ്റ്ററുകളുടെ നിർമ്മാതാവും സാനി തന്നെ. ഏറ്റവും ഒടുവിൽ പുറത്തിറങ്ങി തരംഗമായി മാറിയ മമ്മൂട്ടിയുടെ കുഞ്ഞാലി മരക്കാർ ഫാൻ മെയ്ഡ് പോസ്റ്റർ, ദി ഗ്രേറ്റ് ഫാദർ, മാസ്റ്റർ പീസ് തുടങ്ങി നിരവധി ചിത്രങ്ങൾ സാനി യാസിന്റെ കഴിവിന്റെ ഉദാഹരണങ്ങളാണ്.
