യാത്ര എന്ന ചിത്രത്തിന് ശേഷം, മലയാളത്തിന്റെ മെഗാസ്റ്റാർ മമ്മൂട്ടി തെലുങ്കിൽ അഭിനയിച്ച പുതിയ ചിത്രമാണ് ഏജൻറ്. തെലുങ്കു യുവ താരം അഖിൽ അക്കിനേനി നായകനായി എത്തുന്ന ഈ ബിഗ് ബഡ്ജറ്റ് ചിത്രം പാൻ ഇന്ത്യൻ റിലീസായി എത്താനൊരുങ്ങുകയാണ്. തെലുങ്ക്, ഹിന്ദി, തമിഴ്, കന്നഡ, മലയാളം ഭാഷകളിൽ ഒരേസമയം ഈ ചിത്രം റിലീസ് ചെയ്യാനാണ് പ്ലാൻ. സൂപ്പർ ഹിറ്റ് തെലുങ്കു സംവിധായകൻ സുരീന്ദർ റെഡ്‌ഡി സംവിധാനം ചെയ്യുന്ന ഈ ചിത്രത്തിന്റെ ആദ്യ ടീസർ ജൂലൈ പതിനഞ്ചിനാണ്‌ റിലീസ് ചെയ്യാൻ പോകുന്നതെന്ന് അണിയറ പ്രവർത്തകർ പ്രഖ്യാപിച്ചിട്ടുണ്ട്. ടീസർ അനൗൺസ്മെന്റ് വീഡിയോ ഇപ്പോൾ തന്നെ പ്രേക്ഷക ശ്രദ്ധ നേടിയെടുക്കുന്നുണ്ട്. അഖിൽ അക്കിനേനി ഈ ചിത്രത്തിന് വേണ്ടി നടത്തിയ ശാരീരിക മാറ്റം വലിയ ശ്രദ്ധ നേടിയിരുന്നു. അദ്ദേഹത്തിന്റെ സ്റ്റൈലിഷ് ആക്ഷൻ രംഗങ്ങൾ ഈ ചിത്രത്തിന്റെ ഹൈലൈറ്റായി മാറുമെന്നാണ് സൂചന. ടൈറ്റിൽ കഥാപാത്രമായാണ് അഖിൽ അഭിനയിച്ചിരിക്കുന്നത്.
ഒരു പട്ടാള ഓഫീസർ ആയാണ് മെഗാസ്റ്റാർ മമ്മൂട്ടി ഇതിലഭിനയിക്കുന്നത്. നവാഗതയായ സാക്ഷി വൈദ്യ നായികാ വേഷം ചെയ്യുന്ന ഈ ചിത്രം എകെ എന്റർടൈൻമെന്റ്‌സിന്റെയും സുരേന്ദർ 2 സിനിമയുടെയും ബാനറിൽ രാമബ്രഹ്മം സുങ്കരയാണ് നിർമ്മിക്കുന്നത്. ഹിപ് ഹോപ് തമിഴ സംഗീത സംവിധാനം നിർവഹിക്കുന്ന ഈ ചിത്രം രചിച്ചിരിക്കുന്നത് വക്കന്തം വംശിയാണ്. ദേശീയ അവാർഡ് ജേതാവായ നവീൻ നൂലി എഡിറ്റിംഗും അവിനാഷ് കൊല്ല കലാസംവിധാനവും നിർവഹിച്ചിരിക്കുന്ന ഈ ചിത്രത്തിന് വേണ്ടി ദൃശ്യങ്ങളൊരുക്കുന്നത് റസൂൽ എല്ലൂർ ആണ്. ഹംഗറി, ഹൈദരാബാദ്, ഡൽഹി തുടങ്ങി ഒട്ടേറെ ലൊക്കേഷനുകളിലായാണ് ഈ ചിത്രത്തിന്റെ പ്രധാന ഭാഗങ്ങൾ ചിത്രീകരിച്ചത്.
An Adrenaline stoked ride with THE WILD ONE's Style is marching your way😎#AGENT TEASER ON 𝐉𝐔𝐋𝐘 𝟏𝟓𝐭𝐡💥🤙#AgentLoading
— AK Entertainments (@AKentsOfficial) July 10, 2022
ఏజెంట్・एजेंट・முகவர்・ഏജന്റ്・ಏಜೆಂಟ್@AkhilAkkineni8 @mammukka @DirSurender @sakshivaidya99 @hiphoptamizha @AnilSunkara1 @AKentsOfficial @S2C_Offl pic.twitter.com/jLytU4udhj
