പ്രശസ്ത തമിഴ് നടൻ വിജയ് സേതുപതി തന്റെ പുതിയ തമിഴ് ചിത്രമായ മാമനിതന്റെ ഷൂട്ടിങ്ങും ആയി ബന്ധപ്പെട്ടു ഇപ്പോൾ ആലപ്പുഴ ജില്ലയിൽ ഉണ്ട്. ചിത്രത്തിന്റെ ഷൂട്ടിംഗ് ലൊക്കേഷനിൽ ഇപ്പോൾ മക്കൾ സെൽവൻ വിജയ് സേതുപതിയെ ഒരു നോക്കു കാണാനും ചിത്രങ്ങൾ എടുക്കാനും ജനസമുദ്രമാണ് എത്തിച്ചേരുന്നത്. തന്നെ കാണാൻ വരുന്ന ആരാധകരെ ചേർത്തു പിടിക്കുന്ന വിജയ് സേതുപതി ആരാധകർക്ക് ഇപ്പോഴും അത്ഭുതം ആണ്. ഇപ്പോഴിതാ തന്റെ നന്മ നിറഞ്ഞ പ്രവർത്തി കൊണ്ട് ഒരിക്കൽ കൂടി കയ്യടി നേടുകയാണ് വിജയ് സേതുപതി.
https://www.instagram.com/p/BtNCxsBDwc5/?utm_source=ig_share_sheet&igshid=3t3wshho12yd&fbclid=IwAR1X85B3biDfgZneoRkn-kHrM5KVu9soM1cvrPiuSYLSq3otocivfIj9LFU
കഴിഞ്ഞ ദിവസം ആ ലൊക്കേഷനിൽ പ്രായമായൊരു വൃദ്ധയും ഷൂട്ടിങ് കാണാൻ എത്തിയിരുന്നു. തന്നെ കാണാൻ വന്ന ആരാധകർക്കിടയിൽ നിന്നും ആ അമ്മയെ പ്രത്യേകം ശ്രദ്ധിച്ച വിജയ് സേതുപതി അവരുടെ അരികിലേയ്ക്ക് നേരിട്ടു ചെന്നു. തന്റെ അടുത്തേക്ക് വന്ന വിജയ് സേതുപതിയോട് ആ അമ്മക്ക് പറയാൻ ഉണ്ടായിരുന്നത് ഒരു സങ്കടം ആയിരുന്നു. തന്റെ ചെവി അവരുടെ അരികിലേയ്ക്ക് ചേർത്തു വെച്ചു ആ സങ്കടം അദ്ദേഹം കേട്ടു. മരുന്ന് വാങ്ങാൻ പൈസ ഇല്ല മോനേ എന്നായിരുന്നു ആ അമ്മ വിജയ് സേതുപതിയോട് പറഞ്ഞത്. അതുകേട്ടയുടൻ തന്നെ അദ്ദേഹം തന്റെ സഹായികളോട് കയ്യിലുള്ള പണം തരാൻ ആവശ്യപ്പെടുകയും അദ്ദേഹത്തിന്റെ കോസ്റ്റ്യൂമര്‍ ഇബ്രാഹിമിന്റെ പഴ്സിൽ നിന്ന് പൈസ എത്രയെന്ന് പോലും നോക്കാതെ ഒരു നല്ല തുക വൃദ്ധയ്ക്ക് നൽകുകയും ചെയ്തു. മനസ്സു നിറഞ്ഞു ആ അമ്മ പോകുമ്പോൾ ആരാധകർ മക്കൾ സെൽവന് കയ്യടി നൽകുകയായിരുന്നു. വൈറൽ ആവുന്ന ആ വീഡിയോ ഇവിടെ നിങ്ങൾക്ക് കാണാം.
