ഏറെ നാളത്തെ കാത്തിരിപ്പിനു ശേഷം ആണ് മലയാള സിനിമയിലെ എവർ റൊമാന്റിക് ഹീറോ ആയ കുഞ്ചാക്കോ ബോബന് ഒരു കുഞ്ഞു ജനിച്ചത്. കുഞ്ചാക്കോ ബോബൻ ഒരു അച്ഛൻ ആയ വാർത്ത സോഷ്യൽ മീഡിയ ആഘോഷമാക്കിയിരുന്നു. ഇപ്പോഴിതാ കുഞ്ചാക്കോ ബോബൻ തന്റെ മകന് പേരിട്ടിരിക്കുകയാണ് എന്നുള്ള വിവരമാണ് പുറത്തു വരുന്നത്. തന്റെ പേര് തന്നെ തിരിച്ചു ഇട്ടു ബോബൻ കുഞ്ചാക്കോ എന്നാണ് തന്റെ മകന് കുഞ്ചാക്കോ ബോബൻ പേര് നൽകിയിരിക്കുന്നത്. ഇതിലെ രസകരമായ വസ്തുത എന്തെന്നാൽ കുഞ്ചാക്കോ ബോബന്റെ അപ്പച്ചന്റെ പേരും ബോബൻ കുഞ്ചാക്കോ എന്നായിരുന്നു. ആ പേര് തിരിച്ചു ഇട്ടാണ് അദ്ദേഹം തന്റെ മകന് കുഞ്ചാക്കോ ബോബൻ എന്ന് പേരിട്ടത്. ഇപ്പോൾ അതേ ചരിത്രം കുഞ്ചാക്കോ ബോബനും തന്റെ മകന് വേണ്ടി ആവർത്തിച്ചിരിക്കുകയാണ്.
ഈ അടുത്തിടെ നടന്ന ഒരു അവാർഡ് ഫങ്ക്ഷനിൽ ആണ് കുഞ്ചാക്കോ ബോബൻ മകന് പേരിട്ട വിവരം വെളിപ്പെടുത്തിയത്. മകന് പേരിട്ടോ എന്ന് യേശുദാസ് ചോദിച്ചപ്പോൾ ആണ് തന്റെ പേര് തിരിച്ചിട്ടാൽ മതി മകന്റെ പേരായി എന്ന് ചാക്കോച്ചൻ പറഞ്ഞത്. ആ അവാർഡ് ഫങ്ക്ഷനിൽ കുഞ്ചാക്കോ ബോബൻ ആയിരുന്നു മുഖ്യ അവതാരകൻ. ഈ വർഷം ഒട്ടേറെ ചിത്രങ്ങൾ ആണ് കുഞ്ചാക്കോ ബോബൻ നായകനായി എത്താൻ ഒരുങ്ങുന്നത്. കഴിഞ്ഞ വർഷവും ഏറ്റവും കൂടുതൽ ചിത്രങ്ങളിൽ അഭിനയിച്ച ഒരു നായക നടൻ ആയിരുന്നു കുഞ്ചാക്കോ ബോബൻ. ആഷിക് അബുവിന്റെ വൈറസ് ആണ് അതിൽ പ്രേക്ഷകർ ഏറ്റവും കൂടുതൽ കാത്തിരിക്കുന്ന ഒരു ചിത്രം.
