തെലുങ്കിൽ ഏറ്റവും വലിയ സൂപ്പർ താരങ്ങളിൽ ഒരാളാണ് മഹേഷ് ബാബു. അതുപോലെ ഇന്ന് തമിഴിലെ ഏറ്റവും വലിയ താരമാണ് ദളപതി വിജയ്. മഹേഷ് ബാബുവിന്റെ തെലുങ്ക് ചിത്രങ്ങൾ ദളപതി വിജയ് തമിഴിൽ റീമേക് ചെയ്യുകയും അതൊക്കെ സൂപ്പർ ഹിറ്റായി മാറുകയും ചെയ്തിട്ടിട്ടുണ്ട്. ഗില്ലി, പോക്കിരി തുടങ്ങിയ സൂപ്പർ ഹിറ്റുകൾ അതിനു ഉദാഹരണങ്ങളാണ്. അതിനു ശേഷം സംവിധായകൻ എ ആർ മുരുഗദോസ് പറഞ്ഞ ഒരു കാര്യമാണ് അദ്ദേഹത്തിന് മഹേഷ് ബാബുവിനെയും ദളപതി വിജയിനെയും ഒരുമിപ്പിച്ചു ഒരു ചിത്രം ചെയ്യാൻ ആഗ്രഹം ഉണ്ടെന്നത്. മഹേഷ് ബാബുവിനെ നായകനാക്കി സ്പൈഡർ എന്ന ചിത്രം ഒരുക്കിയിട്ടുണ്ട് എ ആർ മുരുഗദോസ്. ഇപ്പോൾ ഈ അടുത്തിടെ നടന്ന ഒരു മാധ്യമ അഭിമുഖത്തിൽ മുരുഗദോസിന്റെ ഈ വാക്കുകളോട് മഹേഷ് ബാബു പ്രതികരിച്ചത് ആരാധകർക്ക് ആവേശമാവുകയാണ്.
അങ്ങനെ ഒരു പ്രൊജക്റ്റ് വന്നാൽ തീർച്ചയായതും താൻ അത് ചെയ്യും എന്നും അത് സംഭവിച്ചാൽ വളരെ അത്ഭുതകരമായ ഒരു ചിത്രം ആയിരിക്കും അതെന്നും മഹേഷ് ബാബു പറഞ്ഞു. വിജയ്‌ക്കൊപ്പം അഭിനയിക്കാൻ ഏറെ ആഗ്രഹം ഉണ്ടെന്നും അദ്ദേഹം സൂചിപ്പിച്ചു. മഹേഷ് ബാബുവിന്റെ വാക്കുകൾ അത്തരം ഒരു പ്രോജെക്ടിനെ കുറിച്ച് സീരിയസ് ആയി ചിന്തിക്കാൻ എ ആർ മുരുഗദോസിനെ പ്രേരിപ്പിക്കും എന്ന് തന്നെയാണ് ആരാധകരുടെ പ്രതീക്ഷ. മഹേഷ് ബാബുവിന്റെ പുതിയ റിലീസ് ആയ സാറിലേക്കു നീക്കേവ്വര് മികച്ച പ്രേക്ഷകാഭിപ്രായമാണ് നേടിയെടുക്കുന്നത്. ചിത്രം ഒരു വലിയ വിജയം നേടും എന്നാണ് സൂചന. സൂപ്പർ സ്റ്റാർ രജനികാന്ത് നായകനായ ദർബാർ ആയിരുന്നു എ ആർ മുരുഗദോസിന്റെ പുതിയ ചിത്രം.
